25.05.2026 | 00:01
Մայիսի 25-ի վաղ առավոտյան ՀՀ ԶՈւ ավիացիան Երևանի կենտրոնում կատարելու է թռիչք․ ՊՆ
ՀՀ Սահմանադրությունում տարածքային պահանջներից հրաժարումը բացառիկ նշանակություն ունի խաղաղության հասնելու համար․ Բայրամովը՝ բրիտանացի նախարարին
Քաղաքականություն
29.04.2025 | 19:50
Ադրբեջանի արտաքին գործերի նախարար Ջեյհուն Բայրամովն ու Մեծ Բրիտանիայի Եվրոպայի, Հյուսիսային Ամերիկայի և անդրծովյան տարածքների հարցերով պետական նախարար Սթիվեն Դաութին հեռախոսազրույցում մտքեր են փոխանակել արդիական հարցերի, երկկողմ և տարածաշրջանային համագործակցության թեմաների, ինչպես նաև տարածաշրջանային և միջազգային անվտանգության հարցերի շուրջ:
Ադրբեջանի ԱԳՆ-ի հաղորդմամբ՝ Բայրամովն «իր զրուցակցին տեղեկացրել է հետհակամարտային շրջանում տարածաշրջանում առկա իրավիճակի և իրողությունների, ինչպես նաև ականների սպառնալիքի մասին»։
Անդրադառնալով Հայաստանի հետ հարաբերությունների կարգավորմանը՝ Բայրամովը կրկին խոսել է «ադրբեջանական կողմի նախաձեռնած խաղաղության պայմանագրի շուրջ բանակցությունների գործընթացում ձեռք բերված հաջողությունների և այդ գործընթացի հաջող ավարտին խանգարող հիմնական խոչընդոտների մասին»։
Կրկնելով Բաքվի քարոզչական թեզերը՝ Բայրամովն ասել է, թե «Հայաստանի Սահմանադրությունում և այլ օրենսդրական ակտերում առկա Ադրբեջանի նկատմամբ տարածքային պահանջներից հրաժարումը բացառիկ նշանակություն ունի Հարավային Կովկասում կայուն խաղաղության հասնելու տեսանկյունից»։
Թարգմանությունը՝ Էմմա Չոբանյանի
