17.12.2025 | 09:45
Արարատ Միրզոյանը հանդիպում է ունեցել Լյուքսեմբուրգի Պատգամավորների պալատի նախագահի հետ
Թուրքիան հերքում է սպառազինությամբ լի 6 ինքնաթիռ Պակիստան ուղարկելու մասին պնդումները
Քաղաքականություն
28.04.2025 | 21:29
Թուրքիայի նախագահականին առընթեր ապատեղեկատվության դեմ պայքարի վարչությունը հերքել է պնդումները, թե Անկարայից Պակիստան է ուղարկվել զենք տեղափոխող վեց ինքնաթիռ։ Սոցիալական ցանցերում տարածված հայտարարության մեջ թուրքական իշխանությունները պարզաբանել են իրավիճակը։
«Որոշ լրատվամիջոցներում շրջանառվող պնդումները, թե «Թուրքիան Պակիստան է ուղարկել զենքով լի վեց ինքնաթիռ», իրականությանը չեն համապատասխանում։ Թուրքիայից մեկնող տրանսպորտային ինքնաթիռը պլանային վայրէջք է կատարել Պակիստանում՝ բացառապես վառելիք լիցքավորելու նպատակով։ Վառելիքը լիցքավորելուց հետո ինքնաթիռը շարունակել է թռիչքը նշանակված երթուղով»,- ասվում է հայտարարության մեջ։
Կենտրոնը կոչ արել է հանրությանը վստահել միայն լիազորված անձանց և հաստատությունների հայտարարություններին, չհավատալ սպեկուլյատիվ հաղորդագրություններին։
Հիշեցնենք, որ ավելի վաղ լրատվամիջոցներում տեղեկություններ էին տարածվել, որ Թուրքիան ինքնաթիռներով զենք է ուղարկել Պակիստանին՝ Հնդկաստանի հետ այդ երկրի հարաբերությունների լարվածության աճի ֆոնին։
Թարգմանությունը՝ Էմմա Չոբանյանի
