05.09.2026 | 22:55
«Ինտերը» 0:2-ից հետո կամային հաղթանակ է տարել «Նապոլիի» նկատմամբ. ՏԵՍԱՆՅՈՒԹ
Մեր իշխանությունը 30 տարի սարքած «տորթի վրայի բալն» է, վերարտադրվելն էլ գերխնդիրն է. Բաղդասարյան. ՏԵՍԱՆՅՈՒԹ
Հաղորդաշարեր
26.04.2025 | 19:00
«Տարիներ առաջ կարծում էի`միայն իշխանությունն է ապրում վիրտուալ Հայաստանում, բայց արի ու տես, որ բոլորս ենք այդտեղ ապրում: Այսօր հաճախ լսում եմ դեմագոգիկ «ուռա պատրիոտիզմ» հիշեցնող ելույթներ, մտավախություն ունեմ, որ մեր պետականությունն էլ է իմիտացիա, դրա համար էլ տանուլ տվեցինք»,- Factor TV-ի հետ զրույցում տեսակետ է հայտնում կինոռեժիսոր Էդգար Բաղդասարյանը:
Նրա խոսքով` անկախությունը պարզապես ընկավ մեր ձեռքը, իսկ մենք դա չգնահատեցինք. «Մեր իշխանությունը 30 տարի սարքած «տորթի վրայի բալն» է, վերարտադրվելն էլ գերխնդիրն է, դա նրա համար կյանքի ու մահվան հարց է: Այնքան են նախկիններին մեղադրել, որ թվում է`կհասնեն մինչև Տիգրան Մեծ»:
Էդգար Բաղդասարյանը խոսում է նաև հայ կինոյի, դրա առջև ծառացած մարտահրավերների մասին. «Մեր հանդիսատեսին այսօրվա խնդիրները չեն հետաքրքրում: Մինչդեռ նա պետք է մտնի կինո ու պահանջի, հարցնի`ուր են այսօրվա խնդիրները: Ինչ վերաբերում է կինոոլորտին, մեր դաշտում կան էգոմանյակներ, որոնց քո հաջողությունը պետք չէ: Մեր կինո նկարողները ոնց որ գերեզմանոցում հերթ կանգնած լինեն, հաճախ ազգային թեմաներով սպեկուլյացիաներ են անում»:
Մանրամասները`տեսանյութում:
Աննա Բաբաջանյան
