09.10.2026 | 21:27
ՀՀ-ն զգալի առաջընթաց է արձանագրել վիզաների ազատականացման ոլորտում․ ԵՄ գնահատման 2-րդ առաքելությունը ՀՀ-ում է
Մեծ Բրիտանիայում առաջին անգամ փոխպատվաստված արգանդով կինը երեխա է լույս աշխարհ բերել
20.04.2025 | 22:20
Մեծ Բրիտանիայում առաջին անգամ երեխա է ծնվել մի կնոջից, որը հղիացել է դոնորական արգանդի միջոցով։ 36-ամյա Գրեյս Դևիդսոնը՝ Լոնդոնի հյուսիսից, փետրվարին ծննդաբերել է իր առաջնեկին՝ դստեր Էմիին։ Գրեյսը ծնվել է առանց գործող արգանդի, և 2023 թվականին վիրահատության միջոցով նրան փոխպատվաստվել է իր քրոջ՝ Էմիի արգանդը։
Այս նախադեպային վիրահատությունը Մեծ Բրիտանիայում առաջին հաջողված արգանդի փոխպատվաստումն էր։ Գրեյսը փոքրիկ Էմիին գրկելն անվանում է «անհավանական» ու «սյուրռեալիստական» պահ։
«Դա բավականին հուզիչ էր, որովհետև երբեք չէինք համարձակվում պատկերացնել, թե ինչպես կլինի նա իրականում մեզ հետ լինելու դեպքում։ Դա իսկապես հրաշք է»,- նշել է Գրեյսը։
Գրեյսն ու նրա ամուսինը՝ 37-ամյա Անգուսը, որոնք ծնունդով Շոտլանդիայից են, այժմ քննարկում են երկրորդ երեխան ունենալու գաղափարը՝ նույն դոնորական արգանդի օգնությամբ։
Զույգը սկզբում նախընտրել էր պահպանել անանունությունը, սակայն Էմիի առողջ ծննդից հետո որոշել է կիսվել իրենց պատմությամբ BBC-ի հետ։
Բժշկական թիմի տվյալներով՝ Գրեյսի վիրահատությունից հետո կատարվել են ևս երեք փոխպատվաստում՝ այս անգամ մահացած դոնորների միջոցով։ Կլինիկական փորձարկման շրջանակներում նախատեսվում է իրականացնել 15 փոխպատվաստում։
