18.02.2026 | 23:28
Ստեփանծմինդա-Լարս ավտոճանապարհը փակ է
Իրանի ԱԳՆ-ն հայտարարել է, որ ԱՄՆ-ի հետ բանակցությունների հաջորդ փուլը տեղի կունենա Օմանում ապրիլի 19-ին
Քաղաքականություն
15.04.2025 | 17:00
Իրանի ԱԳՆ-ն հայտարարել է, որ միջուկային խնդրի շուրջ Թեհրան-Վաշինգտոն անուղղակի բանակցությունների հաջորդ փուլը կանցկացվի Օմանում, գրում է իրանական Mehr գործակալությունը։
Ամերիկյան Axios-ն ավելի վաղ հայտնել էր, որ կողմերի հաջորդ բանակցությունները տեղի կունենան Հռոմում ապրիլի 19-ին։
Իրանի ԱԳՆ մամուլի խոսնակ Էսմայիլ Բաղային հայտարարել է, որ այն տեղի կունենա մայրաքաղաք Մասկատում՝ շաբաթ օրը ապրիլի 19-ին։ Հերքելով հանդիպման վայրի փոփոխության վերաբերյալ շրջանառվող տեղեկությունները՝ Բաղային նշել է, որ դիվանագիտական խորհրդակցություններից հետո համաձայնություն է ձեռք բերվել, որ Օմանը կմնա Իրանի և Միացյալ Նահանգների միջև անուղղակի բանակցությունների առաջիկա փուլի հյուրընկալողը։
Բանակցությունների առաջին փուլի ընթացքում, որը նույնպես տեղի էր ունեցել Մասկատում, Օմանի արտաքին գործերի նախարարությունը կարևոր միջնորդական դեր է խաղացել՝ փոխանցելով ուղերձները իրանական և ամերիկյան պատվիրակությունների միջև։
Հիշեցնենք, որ առաջին փուլի բանակցությունները տեղի էին ունեցել ապրիլի 12-ին։ Իրանական կողմից բանակցել արտաքին գործերի նախարար Աբբաս Արաղչին, իսկ ամերիկյանից՝ նախագահ Դոնալդ Թրամփի հատուկ բանագնաց Սթիվ Ուիթքոֆը։
Թարգմանությունը՝ Էմմա Չոբանյանի
