11.05.2025 | 21:23
«Ես Պուտինին կսպասեմ հինգշաբթի օրը՝ Թուրքիայում»․ Վլադիմիր Զելենսկի
Թոշակառուն գալիս է, «բումաժնիկը» բացում է` մեջը փող չկա, առևտուր չկա․ ՓՄՁ ներկայացուցիչ․ ՏԵՍԱՆՅՈՒԹ
Հասարակություն
14.04.2025 | 14:52
Շրջանառության հարկի բարձրացման դեմ կառավարության շենքի դիմաց բողոքի ակցիա իրականացնող առևտրականներից մեկը Factor TV-ի հետ զրույցում նշեց, որ առևտրի ծավալները նվազել են, իսկ պետությունը հարկերն է բարձրացնում։
Առևտրականը շեշտեց, որ մարդիկ շատ են այսօր օգտվում օնլայն առևտրի կայքերից, այնտեղից են գնումներ անում, իրենք էլ չեն կարողանում առևտուր անել, մյուս կողմից էլ մարդիկ կան, որոնք գումար չունեն:
«Թոշակառուն գալիս է, «բումաժնիկը» բացում է` մեջը փող չկա, առևտուր չկա։ Մարդն ասում է՝ այսքան գումար ունեմ, էժան տուր ապրանքը առնեմ։ Տեսնում եմ ես, որ այդ մարդը տվյալ ապրանքի կարիք ունի, բայց գումար չունի»,- փոխանցեց նա։
Հիշեցնենք, որ Կառավարության շենքի դիմաց բողոքի ակցիա են իրականացնում փոքր և միջին ձեռնարկությունների ներկայացուցիչները, անհատ հաշվապահներն ու իրավաբանները։ Նրանք պահանջում են կասեցնել շրջանառության հարկի բարձրացման օրենքը։
Հունվարի 1-ից շրջանառության 5 տոկոս հարկը դարձել է 10 տոկոս բոլոր նրանց համար, ովքեր ապրանքի ձեռքբերման փաստաթղթեր չեն ներկայացնի, իսկ պատշաճ փաստաթղթավորման դեպքում հարկը կկազմի շրջանառության միայն մեկ տոկոսը: Բացի այդ, դրվում է նաև ապրանքը գույքագրելու պահանջ:
Մանրամասնեերը՝ տեսանյութում։
