24.06.2026 | 21:44
Հայաստանի մի շարք հասցեներում էլեկտրաէներգիայի անջատումներ կլինեն
Որքան պետք է լինի ցնցուղի ջրի ճնշումը. Թրամփը նոր հրամանագիր է ստորագրել
Քաղաքականություն
10.04.2025 | 22:24
ԱՄՆ նախագահ Դոնալդ Թրամփը հրամանագիր է ստորագրել ցնցուղի ջրի ճնշման սահմանված նորմատիվի բարձրացման մասին. ճնշումը կբարձրանա մինչև րոպեում մոտ 10 լիտր, փոխանցում է DW-ի ռուսական ծառայությունը։
«Նոր կանոնակարգը կրկին կհզորացնի ամերիկյան ցնցուղները»,- ասվում է Սպիտակ տան հայտարարության մեջ:
Հրամանագրի ստորագրման ժամանակ Թրամփը լրագրողներին ասել է, որ ինքը «հոգ է տանում իր գեղեցիկ մազերի մասին», բայց ստիպված է «15 րոպե կանգնել ցնցուղի տակ, որպեսզի մազերը թրջվեն»: ԱՄՆ նախագահն Էներգետիկայի նախարարությանը հանձնարարել է թուլացնել «արմատական կանաչ» նորմերը:
Իր պաշտոնավարման առաջին ժամկետի ընթացքում Սպիտակ տան ղեկավարն արդեն չեղյալ է հայտարարել դեմոկրատ նախագահ Բարաք Օբամայի ձեռնարկած միջոցառումները՝ ուղղված «ջրի արդյունավետության բարձրացմանն ու պահպանմանը»: Ջո Բայդենը կրկին ընդունել է դրանք, սակայն Թրամփը համաձայն չէ սահմանափակումների հետ։ Այժմ ամերիկյան ցնցուղները կրկին կենթարկվեն ջրի ընդունման ստանդարտին, որն ամրագրված էր 1992 թվականի օրենքով:
