Քաղաքականություն
09.04.2025 | 16:37
Չինաստանը միշտ կոչ է անում իր քաղաքացիներին «հեռու մնալ» զինված հակամարտություններին մասնակցելուց։ Այս մասին հայտարարել է Չինաստանի ԱԳՆ խոսնակ Լին Ցզյանը՝ պատասխանելով ուկրաինական բանակի կողմից գերի ընկած չինացի զինվորների մասին լրագրողների հարցին, գրում է Meduza-ն։
«Չինաստանը ճշտում է տեղեկատվությունը ուկրաինական կողմի հետ։ Ցանկանում եմ ընդգծել, որ Չինաստանի կառավարությունը միշտ կոչ է անում իր քաղաքացիներին հեռու մնալ հակամարտության գոտիներից, խուսափել զինված հակամարտության ցանկացած ձևից, մասնավորապես, խուսափել ռազմական գործողություններին մասնակցելուց»,- ասել է Լին Ցզյանը։
Հիշեցնենք, որ Ուկրաինայի նախագահ Վլադիմիր Զելեսնկին նախօրեին հայտնել էր, որ ուկրաինացի զինվորականները գերի են վերցրել Չինաստանի երկու քաղաքացու։
Թարգմանությունը՝ Էմմա Չոբանյանի
