13.01.2026 | 18:59
Համոզված եմ, որ այլևս պատերազմ չի լինի. Ալիև
Զելենսկին հայտնել է, որ Ուկրաինայի ԶՈՒ-ն Դոնեցկում գերի է վերցրել ռուսական բանակում կռված Չինաստանի 2 քաղաքացու․ ՏԵՍԱՆՅՈՒԹ
Քաղաքականություն
08.04.2025 | 18:24
Ուկրաինացի զինվորականները գերի են վերցրել Չինաստանի երկու քաղաքացու, որոնք կռվել են ռուսական բանակում։ Դեպքը տեղի է ունեցել Դոնեցկի մարզում։ Այս մասին հայտնում է ՌԲԿ Ուկրաինան՝ վկայակոչելով երկրի նախագահ Վլադիմիր Զելենսկիին։
Զելենսկին նշել է, որ ուկրաինական կողմն ունի այդ գերիների փաստաթղթերը, բանկային քարտերը և անձնական տվյալները։
«Տեղեկություններ կան, որ օկուպանտների զինվորական ստորաբաժանումներում Չինաստանի քաղաքացիների թիվը զգալիորեն ավելին է, քան այս երկուսը։ Ներկայում մենք ճշտում ենք բոլոր փաստերը, աշխատում են հետախուզությունը և զինված ուժերի համապատասխան ստորաբաժանումները»,- նշել է Զելենսկին։
Հաղորդվում է, որ Ուկրաինայի արտգործնախարար Անդրեյ Սիբիհան պետք է անհապաղ կապ հաստատի Պեկինի հետ և պարզի, թե ինչպես է Չինաստանը մտադիր արձագանքել այս ամենին։
«Ռուսաստանի կողմից Չինաստանի ուղղակի կամ անուղղակի ներգրավումը Եվրոպայում այս պատերազմին հստակ ազդանշան է, որ Պուտինը պատրաստվում է անել ամեն ինչ՝ բացի պատերազմը դադարեցնելուց: Նա պայքարը շարունակելու ճանապարհ է փնտրում: Սա միանշանակ արձագանքի կարիք ունի: ԱՄՆ-ի, Եվրոպայի և բոլոր նրանց, ովքեր խաղաղություն են ցանկանում»,- հայտարարել է Զելենսկին:
Հաղորդվում է, որ Չինաստանի քաղաքացիները ներկայում Ուկրաինայի անվտանգության ծառայությունում են։
Թարգմանությունը՝ Էմմա Չոբանյանի
