17.07.2026 | 15:10
Հայ ձկնաբույծների 97%-ը պատրաստ է ԵՄ արտահանմանը // Ֆուտբոլի ԱԱ եզրափակչի անցկացումը՝ վտանգի տակ․ ԼՈՒՐԵՐ
ՌԴ-ն Հայաստանի համար երաշխավոր էր, բայց երբեք իրեն Ղարաբաղի երաշխավոր չի համարել․ Սերգեյ Մարկեդոնով․ ՏԵՍԱՆՅՈՒԹ
Քաղաքականություն
08.04.2025 | 20:00
«ԵՄ-ին անդամակցության մասին օրենքն ընտրություններից առաջ Փաշինյանի ընտրազանգվածին մոբիլիզացնելու համար է»,- Factor TV-ին տված հարցազրույցում ասում է ռուսաստանցի փորձագետ, Մոսկվայի միջազգային հարաբերությունների պետական ինստիտուտի (МГИМО) առաջատար գիտաշխատող Սերգեյ Մարկեդոնովը։
Նրա կարծիքով՝ Եվրոպայի հետ Ռուսաստանի դիմակայության պայմաններում հայկական իշխանությունների այս որոշման հետ կապված Մոսկվայի վերաբերմունքը բացասական է։
Անդրադառնալով անվտանգության հարցին՝ Մարկեդոնովը նշում է, որ Ռուսաստանն ու ՀԱՊԿ-ն Հայաստանի անվտանգության երաշխավորն էին, բայց երբեք չեն կարծել, որ ՀԱՊԿ-ին Հայաստանի անդամակցությունը երաշխիք է նաև Լեռնային Ղարաբաղի համար, ինչպես ենթադրում էին Հայաստանում։ Նա նաև կարծում է, որ ՀԱՊԿ-ին Հայաստանի անդամակցությունն ու ռուսական «հովանոցը», ամեն դեպքում, օգնեցին 2020 թվականին․ առանց դրա Թուրքիան կարող էր իրեն պահել՝ ինչպես 1918 թվականին։
Ըստ Մարկեդոնովի՝ Արևմուտքը, առաջին հերթին՝ Եվրոպան, փորձում են Ռուսաստանին դուրս մղել տարածաշրջանից, և հենց դա է առավելապես նյարդայնացնում Մոսկվային։
Հարցազրույցն ամբողջությամբ՝ տեսանյութում։
Սամվել Մելիքսեթյան
