21.12.2025 | 22:02
Ֆուտզալի Հայաստանի հավաքականը հաղթեց Մոլդովային
Թեհրանը Վաշինգտոնից պատասխան չի ստացել իր նամակին․ Իրանի ԱԳՆ-ն մանրամասներ է հայտնել ԱՄՆ-ի հետ ուղերձների փոխանակումից
Քաղաքականություն
07.04.2025 | 14:43
Իրանի ԱԳՆ մամուլի խոսնակ Էսմայիլ Բաղային մանրամասներ է հայտնել Թեհրանի և Վաշինգտոնի միջև ուղերձների փոխանակման մասին։ Ճեպազրույցի ընթացքում պատասխանելով լրագրողների հարցերին՝ Բաղային նշել է, որ Թեհրանը Վաշինգտոնից իր նամակին որևէ պաշտոնական պատասխան չի ստացել, գրում է Mehr գործակալությունը։
Նա նշել է, որ Օմանը Թեհրանի և Վաշինգտոնի միջև հնարավոր բանակցություններում միջնորդի հիմնական թեկնածուներից է՝ հավելելով, որ Իրանն ուղարկել է ԱՄՆ-ին իր պատասխանը և հիմա սպասում է հարցի շուրջ Վաշինգտոնի որոշմանը։
«Անուղղակի բանակցությունների մեջ մտնելու՝ Իրանի առաջարկն առատաձեռն, պատասխանատու և քաղաքականապես իմաստուն որոշում էր։ Ներկա պայմաններում Իրանը նախընտրում է կենտրոնանալ իր ներկայացրած առաջարկի վրա»,- ասել է Բաղային՝ նշելով, որ հետագա զարգացումների վերաբերյալ որոշումները կկայացվեն՝ հանգամանքներից ելնելով և համապատասխան ժամանակին։
Նա նշել է, որ Թրամփի նամակը սպառնալիքների ու առաջարկների համակցություն էր։
«Մեր միջուկային հարցում իրական բարդություն չկա: Մյուս կողմի մտահոգությունները կապված են մեր [միջուկային] ծրագրի խաղաղ բնույթի հաստատման հետ, մի բան, ինչում մենք լիովին վստահ ենք»,- ասել է Իրանի ԱԳՆ խոսնակը։
Բաղային նաև ընդգծել է այն մարտահրավերները, որոնք բխում են բազմաշերտ պատժամիջոցներից, որոնք հիմնականում սահմանել է Միացյալ Նահանգները, դրանք կիրատվում են նաև եվրոպական և այլ երկրների կողմից։
«Այդ պատժամիջոցների վերացումը պահանջում է լուրջ տեխնիկական և փորձագիտական մակարդակով քննարկումներ»,- հայտարարել է նա։
Թարգմանությունը՝ Էմմա Չոբանյանի
