Գարեգին Բ-ն Գերմանիայի նախագահին խնդրել է Բաքվում բարձրաձայնել հայ ռազմագերիների ազատ արձակման մասին

Քաղաքականություն

02.04.2025 | 10:34

Լուրեր

13.04.2025 | 18:20

Ստեփանծմինդա-Լարս ավտոճանապարհը փակ է միայն բեռնատարների համար

13.04.2025 | 17:44

Արթուր Դավթյանը՝ Աշխարհի գավաթի բրոնզե մեդալակիր

13.04.2025 | 16:50

Հայաստան-Թուրքիա առաջընթացն իր դրական ազդեցությունը կունենա Հայաստան-Ադրբեջան կարգավորման վրա. Միրզոյան

13.04.2025 | 15:58

Արթուր Ալեքսանյանն այսօր կպայքարի բրոնզե մեդալի համար

13.04.2025 | 15:27

Իրականում ամեն ինչ շատ լավ է ընթանում․ Պեսկովը՝ ռուս-ամերիկյան հարաբերությունների ներկայիս վիճակի մասին

13.04.2025 | 14:16

Վթարի է ենթարկվել ՆԳՆ հատուկ նշանակության գումարտակի հրամանատարը

13.04.2025 | 14:06

Անկարան և Երևանը ձգտում են հարաբերությունների լիակատար կարգավորման․ ՀՀ ԱԳ նախարար

13.04.2025 | 13:53

Առաջիկա օրերին սպասվում է անձրև

13.04.2025 | 13:08

Արտարժույթների փոխարժեքները՝ ապրիլի 13-ի դրությամբ

13.04.2025 | 12:14

Միրզոյանն Անթալիայում ՆԱՏՕ-ի հատուկ ներկայացուցչի հետ քննարկել է հայ-ադրբեջանական կարգավորման հարցը

13.04.2025 | 12:08

Ճապոնիայում ներկայացվել է «Խաղաղության խաչմերուկ», «Չոր նավահանգիստ», «Ակադեմիական քաղաք», «Ինժեներական քաղաք» նախագծերը

13.04.2025 | 11:49

Հրազդան գետից հեռացվել է 9,000 խմ, իսկ Գետառից և Ողջաբերդից՝ շուրջ 4,040 խմ աղբ

13.04.2025 | 11:14

Այսօր Հայ Առաքելական եկեղեցին տոնում է Ծաղկազարդը

13.04.2025 | 10:35

Օշական եւ Ոսկեհատ բնակավայրերում գործարկվելու են էլեկտրական շչակներ

13.04.2025 | 10:06

Լարսը փակ է բոլոր տեսակի տրանսպորտային միջոցների համար

Բոլորը

Հայաստան պաշտոնական այցով ժամանած Գերմանիայի Դաշնային Հանրապետության նախագահ Ֆրանկ-Վալտեր Շտայնմայերն ապրիլի 1-ին այցելել է Մայր Աթոռ Սուրբ Էջմիածին: Ինչպես տեղեկանում ենք Մայր Աթոռի տեղեկատվական համակարգի տարածած հաղորդագրությունից, Ամենայն Հայոց Կաթողիկոսը նախագահ Շտայնմայերին և նրա մեծազնիվ տիկին Էլկե Բուդենբենդերին ողջունել է Միածնաէջ Մայր Տաճարում՝ ներկայացնելով Հայաստանյայց Առաքելական Սուրբ Եկեղեցու և Սուրբ Էջմիածնի մեծ դերակատարությունը հայ ժողովրդի ազգային ու քրիստոնեական ինքնության կերտման գործում, և նրա կարևոր ազգապահպան առաքելությունը։

«Նորին Սրբությունը նշել է, որ պատմության ընթացքում հայ ազգն իր հավատքի զորությամբ և առ Աստված ապավինությամբ է դիմագրավել նեղություններն ու փորձությունները, Տեր և Փրկիչ Հիսուս Քրիստոսի նմանությամբ հաղթահարել բազում գողգոթաներ՝ այդ թվում 20-րդ դարասկզբին իր նկատմամբ իրականացված ցեղասպանությունը։ Հայոց Հովվապետը հույս է հայտնել, որ նույն հավատքով և ամուր կամքով հայ ժողովուրդը կհաղթահարի վերջին տարիներին հայրենիքին պատուհասած փորձությունները և ներկա ծանր մարտահրավերները։

Նկատի առնելով այն, որ Գերմանիայի նախագահը մեկնելու է նաև Ադրբեջան՝ Վեհափառ Հայրապետը խնդրանքով դիմել է պրն Ֆրանկ-Վալտեր Շտայնմայերին՝ Բաքվում բարձրաձայնելու ԼՂ ժողովրդի արդար իրավունքների, ինչպես նաև հայ ռազմագերիների ազատ արձակման, հայկական հոգևոր-մշակութային ժառանգության պահպանության հիմնախնդիրները։ Նորին Սրբության խոսքի համաձայն՝ առկա հարցերի հետևողական բարձրաձայնման շնորհիվ վերջիններիս արդար հանգուցալուծմամբ միայն հնարավոր պիտի լինի տարածաշրջանում կայուն խաղաղություն հաստատել և ժողովուրդների խաղաղ գոյակցության պայմաններ ստեղծել։

Գերմանիայի նախագահ Շտայնմայերը, շնորհակալություն հայտնելով Նորին Սրբություն Գարեգին Երկրորդ կաթողիկոսին քրիստոնեական հնագույն սրբավայր այցելելու հնարավորության համար, կարևորել է կրոնների դերակատարությունը ժողովրդների կյանքում խաղաղության և համերաշխության ապահովման գործում։ Պրն Շտայնմայերը հավաստիացրել է Հայոց Հայրապետին, որ իր միջնորդական ջանքերը կգործադրի ի նպաստ տարածաշրջանում վերջնական խաղաղության հաստատման։

Այնուհետև Ամենայն Հայոց կաթողիկոսը Գերմանիայի Դաշնային Հանրապետության նախագահի հետ միասին Իջման Սուրբ Սեղանի առջև աղոթք է բարձրացրել առ Աստված աշխարհում խաղաղության և մարդկության բարօր ու ապահով կյանքի համար։

Վերջում նախագահը Գերմանիայի Հայոց թեմի առաջնորդ Տ․ Սերովբե եպիսկոպոս Իսախանյանի ուղեկցությամբ շրջել է Մայր Տաճարում, ծանոթացել հիմնանորոգված սրբավայրի պատմությանը»,- ասված է հաղորդագրությունում։