17.07.2026 | 17:20
Հրայր Թովմասյանը դիմել է Մարդու իրավունքների եվրոպական դատարան
Ալիևը հայերին «ատելի թշնամի» է անվանել՝ հայտարարելով, թե «հայկական ֆաշիզմը ֆաշիզմի ամենաբարձր կետն է»
Քաղաքականություն
28.03.2025 | 10:38
Ադրբեջանի նախագահը շարունակում է հայ ժողովրդի նկատմամբ ատելություն խոսք տարածել։ Մասնավորապես, Իլհամ Ալիևը կնոջ՝ Մեհրիբան Ալիևայի հետ Ակնայի շրջանում Սարիջալու անունով գյուղի առաջին փուլի բացմանը բնակիչների հետ հանդիպմանը հերթական հակահայկական ելույթն է ունեցել։
«Ե՛վ Աղդամ քաղաքը, և՛ շրջանի բոլոր գյուղերը հիմնովին ավերվել են ատելի թշնամու կողմից, որևէ ամբողջական շինություն չի մնացել։ Սա ևս մեկ անգամ ցույց է տալիս թշնամու էությունը, նրա բացարձակ անհիմն թշնամանքը մեր նկատմամբ։ Օկուպացիայի ժամանակ քաղաքն ամբողջությամբ ավերվել է, հողին հավասարվել, իսկ Աղդամը կոչում են «Կովկասի Հիրոսիմա»։ Բայց տարբերությունն այն է, որ Հիրոսիման ավերվել է ատոմային ռմբակոծության հետևանքով, իսկ Աղդամը 30 տարի գողերի, հայ թալանչիների ձեռքով քար առ քար քանդվել է ու տարբեր տեղերում վաճառվել։ Ես մեկ անգամ չէ, որ ասել եմ այդ մասին՝ հայկական ֆաշիզմը ֆաշիզմի ամենաբարձր կետն է։ Մենք վերակառուցում ենք և կշարունակենք վերակառուցել Աղդամը»,- հայտարարել է Ադրբեջանի նախագահը։
Նա ասել է, թե Արցախյան 44-օրյա պատերազմի ժամանակ «հայկական ուժերը փաստացի գտնվում էին շրջափակման մեջ, և Ադրբեջանը, իբր, հումանիզմ է դրսևորել և թշնամուն հնարավորություն տվել ինքնակամ լքել այդ հողերը»։
Հիշեցնենք, որ Ալիևը կնոջ հետ այցելել է նաև հայաթափված Շուշի քաղաք։
Թարգմանությունը՝ Էմմա Չոբանյանի
