19.02.2026 | 13:04
ԱՄՆ-ը պատրաստ է Իրանին հարվածներ հասցնել արդեն փետրվարի 21-ին. ԶԼՄ-ներ
Թրամփի հատուկ բանագնացը հայտարարել է, թե Ուկրաինայի կողմից փոխանցված միջուկային զենքը ռուսական է եղել
Քաղաքականություն
26.03.2025 | 21:29
ԱՄՆ նախագահի հատուկ հանձնարարություններով բանագնաց Ռիչարդ Գրենելը հայտարարել է, որ միջուկային զենքերը, որոնք Ուկրաինան ժամանակին փոխանցել է Ռուսաստանին, հենց ռուսական են եղել։
«Եկեք պարզաբանենք Բուդապեշտի հուշագրի հետ կապված իրավիճակը։ Միջուկային ռումբերը պատկանում էին Ռուսաստանին: Ուկրաինան միջուկային ռումբերը վերադարձրել է Ռուսաստանին: Դրանք ուկրաինական չէին: Սա անհարմար փաստ է»,- գրել է նա X-ի իր միկրոբլոգում։
Ուկրաինայում ԱՄՆ նախկին դեսպան Սթիվեն Պայֆերը պատասխանել է Գրենելին. «Ես մասնակցել եմ Բուդապեշտի հուշագրի ստորագրման բանակցություններին։ Գրենելը լիովին սխալ է։ Ուկրաինայում միջուկային մարտագլխիկները խորհրդային էին, ոչ թե ռուսական։ Պահված մարտագլխիկները մնում էին միայն Ուկրաինայի վերահսկողության տակ։ Ուկրաինայում ոչնչացվել են միջմայրցամաքային բալիստիկ հրթիռներ և ռմբակոծիչներ, բացառությամբ այն փոքր քանակի, որոնք ուղարկվել է Ռուսաստան՝ պարտքերը մարելու համար»։
Թարգմանությունը՝ Էմմա Չոբանյանի
