25.05.2026 | 11:31
ԱՄՆ պաշտոնյաները հայտարարել են, որ Իրանի հետ համաձայնագիրը 95%-ով պատրաստ է
Թուրքիայի բուհերում ուսանողները դասադուլ են անում․ պատուհաններից ցատկելով հեռանում են՝ ցույցերին միանալու․ ՏԵՍԱՆՅՈՒԹ
Քաղաքականություն
24.03.2025 | 16:30
Ստամբուլի ընդդիմադիր քաղաքապետ Էքրեմ Իմամօղլուի և 104 անձանց կալանավորման որոշումից հետո Թուրքիայի տարբեր համալսարանների ուսանողների բողոքի ակցիաները շարունակում են տարածվել։ Հազարավոր ուսանողներ այսօր բացակայում են դասերից՝ ուսանողական բոյկոտի կոչի պատճառով, որն ընթանում է «Բուհերը կանգնած են, ակադեմիական բոյկոտ» կարգախոսով։
Ուսանողների հիմնական պահանջներն են՝ վերջ տալ ակադեմիաներն և համալսարանները կառավարության գործիքի վերածող որոշումներին, չեղարկել Ստամբուլի համալսարանի վարչակազմի՝ Իմամօղլուի «դիպլոմը չեղյալ համարելու» որոշումը, ազատ արձակել Ստամբուլի քաղաքապետ Էքրեմ Իմամօղլուին և մյուսներին, որոնք ապօրինաբար ձերբակալվել են, ինչպես նաև վերացնել ցուցարարների նկատմամբ խոչընդոտները։
Յըլդըզի տեխնիկական համալսարանի (YTU) բազմաթիվ ֆակուլտետներ, ներառյալ՝ նախապատրաստական կուրսը, առավոտից բոյկոտ են իրականացնում։ Ուսանողները ժամը 12:00-ից բողոքի երթ են սկսել։ Ռեկտորատը բոյկոտին աջակցող դասախոսներին սպառնացել է հետաքննությամբ: Չնայած դրան՝ ակցիաները տեղի են ունենում ուսանողների ակտիվ մասնակցությամբ և դասախոսների աջակցությամբ։
Բոյկոտին մեծ մասնակցություն են ունեն նաև Ստամբուլի տեխնիկական համալսարանի ուսանողները։ Չնայած ռեկտորատի հայտարարությանը, թե «դասեր չանցկացնելու և/կամ քննությունները հետաձգելու բան չկա», ուսանողները դասերին չեն հաճախում։ Բոյկոտը կանխելու համար շենքի մուտքն արգելափակվել է, դռները փակել են ուսանողների վրա։ Ուսանողները շենքից դուրս են եկել՝ ցատկելով պատուհաններից։
Բոյկոտում են նաև Ստամբուլի և Բողազիչի համալսարանի ուսանողները։ Բոյկոտին միացել են նաև Անկարայի Մերձավոր Արևելքի տեխնիկական համալսարանի ուսանողները։
Թարգմանությունը՝ Էմմա Չոբանյանի
