Հաղորդաշարեր
22.03.2025 | 19:00«Անորա» ֆիլմում Վաչե Թովմասյանի դերը գրված էր ինձ համար, մենք Շոնի հետ մոտ 1 տարի աշխատեցինք օնլայն ֆորմատով: Հետո ես աշխատանքային վիզայի ժամկետների մեջ չտեղավորվելով` Միացյալ Նահանգներ չմեկնեցի, և Կարեն Կարագուլյանը գտավ Վաչեին: Շատ ուրախ եմ Վաչեի համար, «Անորայի» համար, ես այլ կերպ եմ կապված այդ ֆիլմի հետ, մի քանի տարի դրանով ապրել եմ»,- Factor TV-ի հետ զրույցում նշում է դերասան, երգիչ Արսեն Գրիգորյանը` անդրադառնալով Շոն Բեյքերի` 5 օսկարի արժանացած «Անորա» ֆիլմին:
Խոսելով Հայաստանում կինոյի զարգացման տեմպերի մասին, Արսեն Գրիգորյանը նկատում է` բաց չենք ընդունելու անկախ ֆիլմեր. «Մեզ մոտ անկախ ֆիլմեր սիրողներն ընդգծված քիչ են, դու կարող ես նույնիսկ չընդունել դա, բայց դրան դեմ չխոսել: Այդ ազատությունը պակասում է նաև երգարվեստում»:
Արսեն Գրիգորյանի հետ զրուցել ենք նաև վերջին 6 տարում մեր երկրում տիրող ընդհանուր մթնոլորտից, որը նպաստեց, որ պառակտումներ լինեն. շոուբիզնեսը ևս զերծ չմնաց այդ ամենից. «Մուզիկանտ չզբաղվել պոլիտիկա, ունեմ ընկերներ թե´ իշխանությունից, թե´ ընդդիմությունից: Հարյուր տեսակի կարծիք ունեցող մարդիկ կան իմ շրջապատում: Կան բաներ, որոնց մասին գիտելիքներս չեն հերիքի` փորձագետի հայացքով վերլուծականներ տամ: Ինչ-ինչ հարցերի շուրջ ունեմ իմ կարծիքը, բայց չեմ տիրապետում բնագավառին, այն ինձ երբևէ չի էլ ձգել»:
Մանրամասները`տեսանյութում:
Աննա Բաբաջանյան
