25.05.2026 | 14:44
Վանաձորում սպանության նախապատրաստման գործով քրեական հեղինակություն և ևս երկու անձ է կալանավորվել
Բաքուն շարունակում է ՀՀ տարածքում ԵՄ դիտորդական առաքելությանը մեղադրել «լրտեսության» մեջ. ՏԵՍԱՆՅՈՒԹ
Քաղաքականություն
18.03.2025 | 12:09
Բաքուն շարունակում է հետևել ՀՀ տարածքում սահմանի տարբեր հատվածներում ԵՄ քաղաքացիական դիտորդական առաքելության կողմից իրականացվող պարեկություններին։ Ադրբեջանական իշխանամերձ լրատվամիջոցները կրկին երկրի սահմանապահ ծառայության տեսանյութն են հրապարակել։
Ադրբեջանական իշխանական աղբյուրները գրում են, թե «ԵՄ լրտեսական առաքելության գործունեության նոր կադրեր են հայտնվել, որոնցում երևում է, թե ինչպես է, այսպես կոչված, ԵՄ դիտորդական առաքելության մեքենաների շարասյունը շարժվում Լաչինի և Զանգիլանի ուղղությամբ»։
Հավելենք, որ Ադրբեջանի պետական սահմանապահ ծառայությունը պարբերաբար է տեսանյութեր հրապարակում Հայաստանում ԵՄ դիտորդների տեղաշարժից։
Օրերս էլ Ադրբեջանի նախագահ Իլհամ Ալիևն էր կրկին մեղադրանքներ հնչեցրել ՀՀ-ում ԵՄ քաղաքացիական դիտորդական առաքելության հասցեին՝ հայտարարելով, թե այն, իբր, Եվրամիության հետախուզական առաքելությունն է։
Թարգմանությունը՝ Էմմա Չոբանյանի
