30.04.2026 | 01:05
Չեմպիոնների լիգա․ «Աթլետիկոն» ու «Արսենալը» չպարզեցին հաղթողին․ ՏԵՍԱՆՅՈՒԹ
«Լրտեսների պես կանգնած են մեր սահմաններին»․ Ալիևը բողոքել է ԵՄ դիտորդներից և ՀՀ սպառազինումից
Քաղաքականություն
13.03.2025 | 12:31
Հայաստանին մատակարարվող ավերիչ զենքերն ուղղված են Ադրբեջանի դեմ։ Այս մասին հայտարարել է այդ երկրի նախագահ Իլհամ Ալիևը Բաքվի XII գլոբալ ֆորումի բացման արարողության ժամանակ ունեցած ելույթում։
«Թերևս, այսօր դրանք այլ տեղ են պետք, բայց այդ զենքերն ուղարկվում են Հայաստան»,- ասել է նա։
Բացի այդ, Ալիևը կրկին մեղադրանքներ է հնչեցրել ՀՀ-ում տեղակայված ԵՄ քաղաքացիական դիտորդական առաքելության հասցեին՝ հայտարարելով, թե այն, իբր, Եվրամիության հետախուզական առաքելությունն է։
«Նրանք գիշեր-ցերեկ կանգնում են մեր սահմաններին, ինչպես լրտեսները, փնտրում են հարմար անցքեր՝ մեզ մոտ անցնելու համար: Մենք ունենք բավարար հետախուզական տվյալներ նման ընտրովի դիտորդական առաքելության վերաբերյալ»,- ասել է Ադրբեջանի նախագահը։
Թարգմանությունը՝ Էմմա Չոբանյանի
