30.04.2026 | 01:05
Չեմպիոնների լիգա․ «Աթլետիկոն» ու «Արսենալը» չպարզեցին հաղթողին․ ՏԵՍԱՆՅՈՒԹ
Քանի դեռ խաղաղության պայմանագիր չի ստորագրվել, տարածաշրջանում կայունություն չի լինի. Ալիև
Քաղաքականություն
14.03.2025 | 20:56
Կարևոր է պաշտպանել տարածաշրջանը մեզ շրջապատող ցանկացած ճգնաժամից։ Հարավային Կովկասի տարածաշրջանը տասնամյակներ շարունակ եղել է առճակատման և թշնամանքի ասպարեզ։ Այս մասին Euronews-ին տված հարցազրույցում ասել է Ադրբեջանի նախագահ Իլհամ Ալիևը։
«Հիմա մեզ մոտ համեմատաբար հանգիստ շրջան է։ Դրա համար մենք պետք է կենտրոնանանք դրա վրա, ստեղծենք անվտանգության մեխանիզմներ, որոնք կլինեն համապարփակ, վերացնենք նոր ռազմական առճակատման ցանկացած սպառնալիք և փորձենք բարիդրացիական հարաբերություններ ունենալ, ինչպես սովոր էինք Խորհրդային Միության ժամանակ»,- հայտարարել է Ադբեջանի նախագահը։
Նա նշել է՝ այդ ժամանակ անկախ երկրներ չեն եղել և չեն կարողացել իրենց ապագան պլանավորել։
«Մենք մեծապես կախված էինք խորհրդային կենտրոնից, բայց գոնե ակտիվ փոխգործակցություն կար Հարավային Կովկասի հանրապետությունների միջև։ Այսպիսով, մենք ունենք այս փորձը, և մենք պարզապես պետք է հիշենք այն: Այս տարածաշրջանի համար շատ կարևոր է չուշանալ աշխարհաքաղաքական փոփոխություններից և կենտրոնանալ մեր տարածաշրջանային խնդիրների և տարածաշրջանային հնարավորությունների վրա»,- ասել է Ալիևը։
Նա նաև հայտարարել է, թե պատերազմն ավարտվում է միայն այն ժամանակ, երբ կնքվում է խաղաղության պայմանագիր։
«Հիմա էլ՝ Ղարաբաղյան երկրորդ պատերազմից գրեթե հինգ տարի անց, մենք Հայաստանի հետ խաղաղության պայմանագիր չունենք։ Այո՛, հանգիստ ժամանակաշրջան ենք ապրում, զոհեր այլևս չկան, և սա ստեղծված իրավիճակում մեծ առավելություն է։ Բայց քանի դեռ խաղաղության պայմանագիր չի ստորագրվել, այստեղ նման կայունություն չի լինի»,- ասել է Ադրբեջանի նախագահը։
Թարգմանությունը՝ Էմմա Չոբանյանի
