16.12.2025 | 14:35
ԿԳՄՍ նախարարի տեղակալը Ճամբարակում մասնակցել է «Վորքաութ» մարզահրապարակի բացմանը
Սաբոտաժ է․ իրավապաշտպանը՝ համաներում չհայտարարելու մասին․ ՏԵՍԱՆՅՈՒԹ
Հասարակություն
01.10.2018 | 16:40
«Հելսինկյան ասոցիացիա» իրավապաշտպան կազմակերպության ղեկավար Նինա Կարապետյանցի խոսքով՝ համաներումը սկզբնական փուլում ունի բացասական ազդեցություն, քանի որ դրա հետևանքով գուցե կլինեն դատապարտյալներ, որոնք կալանավայրում դեռ չեն փոխվել և կարող են այդպես էլ չվերադառնալ նորմալ բնականոն կյանքի, սակայն զուգահեռաբար կլինեն նաև այնպիսի քաղաքացիներ, որոնք ազատորեն կարող են ապրել նորմալ կյանքով։
Սակայն այստեղ էլ պետք է գործի անցնի Ոստիկանությունը, և այն մարդիկ, որոնք իրենց վարքով ցույց կտան, որ չեն ուղղվել, պետք է վերադառնան կալանավայր։
Այս մասին այսօր «Ինչո՞ւ է ուշանում համաներումը» թեմայով քննարկման ժամանակ ասաց իրավապաշտպանը՝ նշելով, որ չեն ցանկանում համաներում հայտարարել, և դրա համար բերում են պատճառաբանություններ, որոնք իրականության հետ կապ չունեն։
«Ասում են, որ համաներման հանրային պահանջ չկա, ես ուզում եմ հասկանալ՝ ի՞նչ է նշանակում հանրային պահանջ, այդ ո՞ր համաներումից առաջ են մարդիկ փողոցներ փակել և ակցիաներ արել։ Ինձ համար պարզ է, որ պատճառաբանություններ են բերում, քանի որ գնում են պարզապես սաբոտաժի։ Սա սաբոտաժ է, քանի որ տարբեր համակարգերում դեռ աշխատում են մարդիկ, որոնք նախկին իշխանության շահերն են նաև սպասարկել»,- ասաց նա։
Մանրամասները՝ տեսանյութում։
