19.02.2026 | 19:36
Գնում եմ բանջարի, որ կարենամ երեխեքիս պահեմ. Ծովինարը երեխաների հետ ապրում է վագոն-տնակում. ՏԵՍԱՆՅՈՒԹ
Անկարան պատրաստ է, անհրաժեշտության դեպքում, զորքեր ուղարկել Ուկրաինա․ Թուրքիայի ՊՆ
Քաղաքականություն
06.03.2025 | 17:15
Թուրքիայի Ազգային պաշտպանության նախարարության աղբյուրները ամենշաբաթյա ճեպազրույցում անդրադարձել են լուրերին, որ խաղաղար ուժերի կազմում Թուրքիան զորքեր է ուղարկելու Ուկրաինա, հաղորդում է TRT Haber-ը։
«Մեր տեսակետը մնում է այն, որ արդար և տևական խաղաղություն կարելի է ձեռք բերել երկու կողմերի հավասար և արդար ներկայացվածության միջոցով։ Այս գործընթացում մեր երկիրը կշարունակի աջակցել բոլոր կառուցողական նախաձեռնություններին, որոնք ուղղված են տարածաշրջանում խաղաղության հաստատմանը, Սև ծովի պահպանմանը որպես խաղաղության ծովի և Ուկրաինայի վերականգնմանը»,- ասել է աղբյուրը։
Նշվում է, որ Անկարան հետևում է պատերազմը դադարեցնելուն ուղղված բազմակողմ դիվանագիտական նախաձեռնություններին՝ պետության համապատասխան կառույցների հետ սերտ համակարգմամբ։
«Առաքելությանն աջակցելու հարցը, որը բարձրացվել է տարբեր լրատվամիջոցներում, բայց դեռ չի դրվել հայեցակարգային շրջանակի մեջ, բոլոր շահագրգիռ կողմերի կողմից համատեղ կգնահատվի, եթե դա անհրաժեշտ համարվի, կարվի տարածաշրջանային կայունության և խաղաղության հաստատման համար»,- ասել է Թուրքիայի ՊՆ աղբյուրը։
Հիշեցնենք, որ ավելի վաղ Bloomberg-ը գրել էր, որ Թուրքիան պատրաստ է զորքեր ներգրավել Ուկրաինայում հնարավոր խաղաղապահ առաքելությունում։
Թարգմանությունը՝ Էմմա Չոբանյանի
