27.06.2026 | 12:48
Գտնում եմ, որ ողջ ՀՀ-ում պետք է վերաքվեարկություն նշանակվի, անվավեր ճանաչվի այս ընտրությունը․ Օրբելյան․ ՏԵՍԱՆՅՈՒԹ
21-րդ դարի հայ ճարտարապետությունն ինձ մեծ տխրություն է պատճառում. ապաքաղաքական զրույց Կարեն Բալյանի հետ. ՏԵՍԱՆՅՈՒԹ
Հաղորդաշարեր
09.03.2025 | 21:00
Factor TV-ի A-politic հաղորդաշարի հյուրն է ճարտարապետ, ճարտարապետության տեսաբան Կարեն Բալյանը: Նա հիշում է, որ 1970-ականներին սովորում էր Մոսկվայում, ասպիրանտուրայում, և նրա թեման էր «Ազգայինը ժամանակակից հայ ճարտարապետության մեջ»: Շատերն այն ժամանակ վստահ էին, որ ժամանակակից ճարտարապետության մեջ որևէ ազգային տարր չկա: Սակայն շատ արագ պարզ դարձավ, որ այն նմուշները, որոնք հետագայում անվանեցին «հայկական մոդեռնիզմ», բազմաթիվ թելերով կապվում են հայ միջնադարյան ճարտարապետության և ընդհանրապես մշակույթի հետ:
Անդրադառնալով խնդրին, թե այսօր ինչը կարելի է անվանել «ազգային», հաղորդման հյուրը նշում է, որ, իր կարծիքով, դա նշանակում է հավատարիմ մնալ ոչ միայն ավանդույթներին, այլև լանդշաֆտին, կլիմային, միջավայրին: Եթե կառույցն այդ չափանիշներին չի համապատասխանում, ապա ճարտարապետական ինչ-որ հնարքներ այն չեն կարող ազգային դարձնել:
Պատասխանելով հարցին՝ կա՞ն, արդյոք, 21-րդ դարի հայ ճարտարապետության մեջ ուղենիշային նմուշներ, Կարեն Բալյանը կարծիք է հայտնում, որ նման նմուշներ չկան, մեզանում հասարակական մթնոլորտը չի նպաստում նոր տաղանդների հայտնությանը:
Մանրամասները՝ տեսանյութում։
Արամ Աբրահամյան
