16.04.2026 | 17:25
Լիբանանում հրադադարը նույնքան կարևոր է, որքան Իրանում. Իրանի խորհրդարանի խոսնակ
«Գանձասար»-«Արարատ» հանդիպումն ընդհատվել է երկրպագուների անկարգություների պատճառով. ՀՖՖ-ի կոչը
28.02.2025 | 19:13
Fastex Պրեմիեր Լիգայի 21-րդ մրցափուլի «Գանձասար»-«Արարատ» հանդիպումն ընդհատվել է երկրպագուների կողմից իրականացվող անկարգություների պատճառով: Այս մասին տեղեկացնում է ՀՖՖ-ն։
«Հայաստանի ֆուտբոլի ֆեդերացիան խստորեն դատապարտում է երկրպագուների նմանօրինակ պահվածքը հանդիպումների ընթացքում:
Ավելորդ լարվածություն չստեղծելու նպատակով այս անգամ ՀՖՖ-ն զերծ է մնում համապատասխան միջոցառումներ ձեռնարկելուց:
Նմանատիպ վարքագծի կրկնվելու դեպքում ՀՖՖ-ն, իրավապահ մարմինների հետ համատեղ, ստիպված կլինի ձեռնարկել օրենքով սահմանված կարգով բոլոր անհրաժեշտ միջոցառումները՝ հանդիպումների բնականոն ընթացքն ապահովելու համար:
Կոչ ենք անում հետագայում զերծ մնալ նմանատիպ գործողություններից, քանի որ դա վնասում է միմիայն հայկական ֆուտբոլին»,- ասված է հաղորդագրության մեջ:
