09.10.2026 | 14:44
Ռոնալդուի մայր. «Կրիշտիանուին չեն գնահատում այնքան, որքան պետք է»
Ուկրաինական ԱԹՍ-ները գրոհել են Տուապսեի նավահանգիստը
Քաղաքականություն
26.02.2025 | 12:11
Ուկրաինական անօդաչու թռչող սարքերը գրոհել են Կրասնոդարի երկրամասը փետրվարի լույս 26-ի գիշերը։ Ականատեսների վկայությամբ՝ թիրախը եղել է Սև ծովի ափին գտնվող Տուապսե նավահանգիստը, փոխանցում է DW-ի ռուսական ծառայությունը։
Ռուսաստանի իշխանությունները հայտարարել են Ուկրաինայի զինված ուժերի անօդաչու թռչող սարքերի կողմից քաղաքացիական օբյեկտների վրա հարձակման մասին։ Նահանգապետ Վենիամին Կոնդրատևը Telegram-ում հայտնել է, որ Տուապսեում և Թեմրյուկի շրջանում տներ են վնասվել, սակայն տուժածներ չկան։
Քաղաքի բնակիչները սոցիալական ցանցերում գրում են Տուապսեի նավահանգստի վրա հարձակման մասին՝ հրապարակելով պայթյունների տեսանյութեր։ Դրանցից մեկում վնասված բնակելի շենք է երևում։
Ռուսական Telegram ալիքները հաղորդում են նաև Անապայի երկնքում պայթյունների մասին, որտեղ, ենթադրաբար, գործել են ՀՕՊ ուժերը։ Սոչիի օդանավակայանում ներդրվել է «Գորգ» պլանը, ժամանակավորապես դադարեցվել է չվերթների ընդունումն ու ուղարկումը։
Անօդաչու թռչող սարքերի հարձակման մասին են հայտնել նաև Ղրիմի իշխանությունները։ Սև ծովում չորս անօդաչու թռչող սարք է խոցվել։
Թարգմանությունը՝ Տաթև Ֆռանգյանի
