20.02.2026 | 02:07
Ադելիա Պետրոսյանը մեդալ չնվաճեց ձմեռային Օլիմպիական խաղերում
Իրանը բարձրացրել է միջուկային օբյեկտների պաշտպանությունը` ԱՄՆ-ի և Իսրայելի հնարավոր հարվածների մտավախության ֆոնին․ Telegraph
Քաղաքականություն
25.02.2025 | 17:30
Իրանը, վախենալով Իսրայելի և ԱՄՆ-ի հնարավոր հարձակումից, բարձր պատրաստվածության է բերել պաշտպանական համակարգերը միջուկային և հրթիռային հիմնական օբյեկտների մոտ, ներառյալ՝ լրացուցիչ հակաօդային պաշտպանության համակարգերի տեղակայումը, հաղորդում է բրիտանական Telegraph-ը՝ հղում անելով կառավարության բարձրաստիճան աղբյուրներին:
Պաշտոնյաներն ասում են, որ այդ միջոցները պատասխան են Իսրայելի և Միացյալ Նահանգների հնարավոր համատեղ ռազմական գործողությունների վերաբերյալ աճող մտահոգություններին: Այս մասին են վկայում նաև ԱՄՆ հետախուզության կողմից և՛ Բայդենի, և՛ Թրամփի վարչակազմերին ուղղված նախազգուշացումները, որ Իսրայելը, ամենայն հավանականությամբ, այս տարի կարող է թիրախավորել իրանական միջուկային հիմնական օբյեկտները:
Ավելի վաղ Wall Street Journal-ը, վկայակոչելով հետախուզությանը ծանոթ պաշտոնյաներին, հայտնել էր, որ ԱՄՆ հետախուզությունը զգուշացրել է, որ Իսրայելը կարող է հարվածել Իրանի միջուկային օբյեկտներին 2025 թվականին։
Ամերիկացի զինվորական պաշտոնյաները նշել են, որ Իսրայելի խիստ ամրացված միջուկային օբյեկտների վրա հարձակումը, հավանաբար, կպահանջի ԱՄՆ ռազմական աջակցությունը և զինամթերքը:
ԱՄՆ նախագահ Դոնալդ Թրամփն ավելի վաղ հայտարարել էր, որ կնախընտրի Իրանի հետ ոչ միջուկային համաձայնության հասնել, քան «ռմբակոծել այն»:
Թարգմանությունը՝ Տաթև Ֆռանգյանի
