22.06.2026 | 11:39
Իրանում ՀՀ դեսպանը քննարկել է հայ-իրանական փոստային համագործակցության ընդլայնման հարցեր
Ստամբուլում Ուզբեկստանի քաղաքացի ԻԼԻՊ-ի անդամ է ձերբակալվել. նա կասկածվում է հրեական դպրոցների ու սինագոգների վրա հարձակումներ ծրագրելու մեջ
Քաղաքականություն
20.02.2025 | 21:45
Թուրքիայի անվտանգության ուժերը կալանավորել են Ուզբեկստանի քաղաքացու, որը կասկածվում է Թուրքիայում և արտերկրում սինագոգների և հրեական դպրոցների վրա հարձակումներ նախապատրաստելու մեջ։ Այս մասին հայտնել են տեղի իշխանությունները, փոխանցում է Hurriyet-ը։
Կասկածյալը, որը, ենթադրաբար, ԻԼԻՊ ահաբեկչական խմբավորման անդամ է, ձերբակալվել է Ստամբուլի ոստիկանության կողմից իրականացված հակաահաբեկչական գործողության արդյունքում։ Կասկածյալը, որը որպես ճանաչվել է Աբդուլմալիկ Ա., հանձնարարվել է լայնածավալ հարձակումներ իրականացնել հրեական հաստատությունների վրա։
Հետախուզական տվյալների համաձայն՝ նա օրինական կերպով է մտել Թուրքիա՝ նախքան կրոնական վայրերը թիրախավորող գործողության հետ կապված ծրագրերը։ Անվտանգության և հետախուզության ստորաբաժանումները վերահսկել են կասկածյալի գաղտնագրված հաղորդակցությունը՝ բացահայտելով հրեական դպրոցների և սինագոգների վրա հարձակվելու ծրագրերը:
Պաշտոնյաները նշել են, որ կասկածյալն անմիջական կապի մեջ է եղել օտարերկրյա օպերատիվ աշխատակիցների հետ և եղել է ավելի լայն ցանցի մի մասը, որը ծրագրել է միաժամանակյա հարձակումներ Թուրքիայի և Եվրոպայի բազմաթիվ վայրերում:
Աբդուլմալիկ Ա.-ն ձերբակալվել է Ստամբուլի Ֆաթիհ թաղամասում հսկողության արդյունքում, որը բացահայտել է նրա կապը մեկ այլ կասկածյալի հետ, որը ծրագրում էր նմանատիպ հարձակումներ արտասահմանում:
Իշխանությունները հայտնել են, որ գաղտնալսել են ծայրահեղականների հարթակներում հաղորդագրություններ և գաղտնագրված էլեկտրոնային նամակներ, որոնք բացահայտել են Աբդուլմալիկ Ա.-ի տեղաշարժը։ Ոստիկանությունը հետևել է կասկածյալի գործունեությանը՝ իմանալով, որ նա Թուրքիա է ուղարկվել ԻԼԻՊ-ի, այսպես կոչված, առաջնորդի հրամանով։
Թարգմանությունը՝ Էմմա Չոբանյանի
