09.10.2026 | 23:47
Վրաստանում սպանության համար հետախուզվող է հայտնաբերվել. ՀՀ և Վրաստանի ՆԳՆ-ների համագործակցության արդյունքը
Ռուսաստանից Հայաստան այցելող զբոսաշրջիկների թիվը 2024 թ-ին զգալի նվազել է
Տնտեսություն
19.02.2025 | 14:30
2024 թ-ին Ռուսաստանից Հայաստան զբոսաշրջիկների թիվը զգալի նվազել է։ Հայաստանի վիճակագրական կոմիտեի տվյալներով՝ 2023 թ-ի համեմատ 2024-ին Ռուսաստանից 199 հազար 182 զբոսաշրջիկ պակաս է այցելել մեր երկիր։ Այս նվազումը կազմում է շուրջ 17.5 %: Չնայած դրան՝ Հայաստան այցելած զբոսաշրջիկների քանակով Ռուսաստանը 937 823 ցուցանիշով շարունակում է առաջին հորիզոնականում լինել։
Որքան էլ տարօրինակ է, երկրորդ հորիզոնականում ՀՀ քաղաքացիներն են, որոնք որպես զբոսաշրջիկ են այցելել Հայաստան։ Այսինքն՝ նրանք այլ երկրների ռեզիդենտներ են, բնակվում և աշխատում են Հայաստանից դուրս, բայց պահպանել են ՀՀ քաղաքացիությունը։
Նշենք, որ ըստ ՄԱԿ-ի զբոսաշրջության համաշխարհային կազմակերպության մեթոդաբանության (International Recommendations for Tourism Statistics 2008, Compilation Guide, UN WTO, Madrid, November 2010) միջազգային զբոսաշրջիկ է համարվում ցանկացած անձ, որը հանգստանալու, բուժվելու, հարազատներին այցելելու, գործնական, կրոնական կամ այլ նպատակներով ճանապարհորդում է իր հիմնական բնակության վայրից մեկ այլ վայր ոչ պակաս քան 24 ժամ և ոչ ավել քան անընդմեջ 1 տարի ժամանակով: Այսինքն` նրա հիմնական նպատակը ճանապարհորդելն է, այլ ոչ թե աշխատանքային գործունեությամբ զբաղվելը, որի դեպքում ուղևորության համար վճարումները կկատարվեին ժամանած վայրում աշխատանքային գործունեությունից ստացված ֆինանսական միջոցների հաշվին։
Գայանե Խաչատրյան
