06.12.2025 | 13:22
Գուգարաց թեմի քահանաները հանդես են եկել հայտարարությամբ՝ ի պաշտպանություն Գարեգին Բ կաթողիկոսի
Ալիևը Թրամփի ղեկավարման ժամանակ ԱՄՆ-Ադրբեջան հարաբերությունները հաջող է որակել՝ ի տարբերություն վերջին 4 տարիների, երբ «վատթարացան Բայդենի պատճառով»
Քաղաքականություն
12.02.2025 | 14:01
Վաշինգտոնում վարչակազմի փոփոխության պատճառով Ադրբեջանում անորոշություն չկա։ Այս մասին հայտարարել է Ադրբեջանի նախագահ Իլհամ Ալիևը դեռևս հունվարին Դավոսի համաժողովի շրջանակում չինական CGTN հեռուստաալիքին տված հարցազրույցում, որը հրապարակվել է այսօր։
«Մենք հիշում ենք այն ժամանակները, երբ նախագահ Թրամփը ղեկավարում էր ԱՄՆ-ն, և մեր հարաբերությունները շատ հաջող էին զարգանում՝ ի տարբերություն վերջին չորս տարիների, երբ դրանք ամբողջովին վատթարացան՝ Ադրբեջանի հանդեպ Բայդենի վարչակազմի անարդար և անազնիվ մոտեցման պատճառով։ Նախագահ Թրամփի հետ մեր աշխտանքի նախկին փորձը շատ դրական էր։ Ակնկալում ենք, որ այս չորս տարիները, որոնք համարում ենք ամերիկա-ադրբեջանական հարաբերություններում կորցված տարիներ, կդառնան պատմություն, և մենք կվերսկսենք մեր աշխատանքը»,- ասել է Ալիևը։
Ալիևը հավելել է, որ եվրոպացի առաջնորդների շրջանում մեծ անորոշություն և մեծ անհանգստություն կա Թրամփի քաղաքականության հետ կապված՝ միաժամանակ, սակայն, հավելելով, որ այլ լուրջ պատճառ չի տեսնում ԱՄՆ-ում փոփոխություններով անհանգստանալու համար:
«Կարծում եմ՝ աշխարհը կարող է շատ ավելի անվտանգ դառնալ։ Թրամփի պաշտոնավարման առաջին ժամկետի ընթացքում Միացյալ Նահանգները ոչ մի պատերազմ չի սկսել, և դա նույնպես եզակի փորձ էր: Ինչ վերաբերում է Ադրբեջանին, ապա մենք վստահ ենք և լավատես»,- հայտարարել է Ալիևը։
Թարգմանությունը՝ Էմմա Չոբանյանի
