22.06.2026 | 14:47
Փրկարարները 8-րդ օրը գետում գտան 13-ամյա աղջկա մարմինը
Ադրբեջանը ՌԴ-ին սահմանակից շրջաններում օպերատիվ-որոնողական և կանխարգելիչ գործողություններ է իրականացնում
Քաղաքականություն
03.02.2025 | 18:14
Ռուսաստանին սահմանակից Ադրբեջանի շրջաններում իրականացվում են համապարփակ օպերատիվ-որոնողական և կանխարգելիչ միջոցառումներ՝ «Սահման-վահան» անվանումով։ Ադրբեջանական լրատվամիջոցների հաղորդմամբ՝ գործողություններն իրականացվում են Ադրբեջանի և ՌԴ-ի ներքին գործերի նախարարների միջև ձեռք բերված փոխադարձ պայմանավորվածության համաձայն։
Շաբաթվա ընթացքում սպասվող գործողությունների կապակցությամբ ոստիկանության համապատասխան անցակետեր են ստեղծվել Գուբայի, Գուսարի, Խաչմազի, Բալաքենի, Զագաթալայի, Գախի, Շեքիի, Օգուզի և Գաբալայի շրջաններում։
Գործողությունների հիմնական նպատակն է իրականացնել սահմանային համագործակցության հարցերի շուրջ ընդունված որոշումները, բացահայտել և չեզոքացնել անդրազգային կազմակերպված հանցավոր խմբերի և ահաբեկչական կազմակերպությունների անդամներին, իրականացնել համալիր կազմակերպչական միջոցառումներ զենքի, պայթուցիկ նյութերի և սարքերի, թմրամիջոցների տեղափոխմանն ուղղված ֆինանսական և նյութական ռեսուրսների ստացման ուղիները բացահայտելու համար։
Հաղորդվում է, որ գործողությունները կանցկացվեն փետրվարի 3-10-ը։
Թարգմանությունը՝ Էմմա Չոբանյանի
