10.08.2026 | 17:24
Բանավեճ Էդգար Ղազարյանի ու Վիլեն Գաբիելյանի միջև. ՏԵՍԱՆՅՈՒԹ
Ալիևը հայտարարել է, թե ԱՄՆ-ը ցանկացել է խոչընդոտել Բաքու-Թբիլիսի-Կարս երկաթուղու նախագծի իրականացմանը
Քաղաքականություն
28.01.2025 | 19:13
Ադրբեջանում տրանսպորտի հարցերին նվիրված հանդիպման ժամանակ երկրի նախագահ Իլհամ Ալիևը խոսել է Բաքու-Թբիլիսի-Կարս երկաթուղու նախագծի իրականացման հարցում Բաքվի առջև ծառացած դժվարությունների մասին։
«Մենք մեծ դիմադրության հանդիպեցինք, երբ ցանկանում էինք այն իրականացնել։ Հիմա ես կարող եմ ասել այդ մասին: Դրան հատկապես դեմ ր ԱՄՆ-ը։ Պատճառը դարձյալ նրանց հայանպաստ քաղաքականությունն էր, քանի որ կարծում էին, որ այս նախագիծը մի կողմ է թողնում Հայաստանը։ Ուստի ամերիկյան կառավարությունը շատ լուրջ ճնշում գործադրեց Վրաստանի այն ժամանակվա ղեկավարության վրա, որպեսզի չհամաձայնեն դրան։ Մենք մի քանի տարի բանակցել ենք վրացական կողմի հետ և վերջապես կարողացել ենք համաձայնության գալ»,- հայտարարել է Ալիևը։
Նա ասել է, թե անձամբ բազմիցս քննարկել է այդ հարցը ԱՄՆ կառավարության բարձրաստիճան ներկայացուցիչների հետ և հայտարարել, որ նրանք չպետք է խանգարեն։
«Սա մեզ համար ռազմավարական ծրագիր է, և ապագայում այս նախագծից կշահեն նաև այլ երկրներ, այդ թվում՝ նրանց դաշնակիցները։ Այսօր Եվրոպայում Ամերիկայի դաշնակիցները մեծ հետաքրքրություն են ցուցաբերում Բաքու-Թբիլիսի-Կարս երկաթուղու նկատմամբ»,- նշել է Ադրբեջանի նախագահը։
Թարգմանությունը՝ Էմմա Չոբանյանի
