06.08.2026 | 16:58
ՆԳՆ պարեկային ծառայության պաշտոնյան կալանավորվել է, էկոպարեկային ծառայության Սևանի տեղամասի պետի պաշտոնավարումը՝ կասեցվել
Բաքուն հայտնում է Քարվաճառում ադրբեջանական բանակի զինծառայողի մահվան մասին
24.01.2025 | 11:38
Գրավյալ Արցախի Քարվաճառում ադրբեջանական բանակի զինծառայողի մահվան հերթական դեպքն է տեղի ունեցել։ Ադրբեջանական լրատվամիջոցների հաղորդմամբ՝ Քարվաճառի զինվորական դատախազությունը տեղեկություն է ստացել ՊՆ N-րդ զորամասի զինծառայող, շարքային Ջամալ Նուսեյնովի՝ հրազենից կրակոցի հետևանքով մահվան մասին։
Զինվորական դատախազությունը համապատասխան ստուգումներ է անցկացրել: Հարուցվել է քրեական գործ, հարցաքննվել են վկաներ, նշանակվել են տարբեր փորձաքննություններ։ Քննությունը շարունակվում է։
Հավելենք, որ օրերս հաղորդվել էր Քարվաճառում ադրբեջանի բանակի մեկ այլ զինծառայողի՝ շարքային Ադիլ Բախշալիևի մահվան մասին։ Նա ինքնասպան էր եղել՝ հրազենից կրակելով ինքն իրեն։
Բացի այդ, մի քանի օր առաջ Ադրբեջանի ՊՆ-ն հայտնել էր զինծառայող Նուրլան Նամազովի մահվան մասին։ Ըստ տեղեկությունների՝ նա մահացել էր իր բնակության վայրում՝ արձակուրդում գտնվելու ժամանակ։
Թարգմանությունը՝ Էմմա Չոբանյանի
