15.12.2025 | 23:44
Ադրբեջանը պետք է դադարեցնի անձանց հսկողության MIRAS համակարգի ներդրումը. HRW
ՌԴ-ում դպրոցում դանակով հասակակիցների վրա հարձակված դեռահասին ընտանիքի հետ միասին Հայաստան են արտաքսել
Հասարակություն
23.01.2025 | 15:32
ՌԴ Կրասնոդարի միջնակարգ դպրոցում իր հասակակիցների վրա դանակով հարձակված դեռահասը ծնողների հետ արտաքսվել է Հայաստան։ Այս մասին «Կոմերսանտ»-ին հայտնել են Կրասնոդարի երկրամասի ՆԳՆ գլխավոր վարչության մամուլի ծառայությունից։
Ավելի վաղ Կրասնոդարի Պրիկուբանսկի դատարանը դպրոցականին մեղավոր էր ճանաչել զենքի գործադրմամբ խուլիգանության մեջ և դատապարտել 30 հազար ռուբլի տուգանքի։
Թիվ 94 հանրակրթական դպրոցում միջադեպը տեղի է ունեցել անցյալ տարվա դեկտեմբերի 6-ին։ Դպրոցի միջանցքում աշակերտների միջև կոնֆլիկտի ժամանակ դեռահասներից մեկը հանել է դանակը և հարվածել հասակակցի ոտքին։ Ծեծկռտուքի հետևանքով տուժել են նաև այլ աշակերտներ։ Ծեծկռտուք հրահրողը ձերբակալվել է և տեղավորվել անչափահասների ժամանակավոր պահման վայրում։
Հետաքննության ընթացքում պարզվել է, որ դեռահասի ծնողները ՀՀ քաղաքացիներ են, որոնք ապօրինի են գտնվել Ռուսաստանում։ Դատարանը որոշել է արտաքսել նրանց։
Հաղորդվում է, որ դատական կարգադրիչներն ընտանիքին ուղեկցել են Միներալնիե Վոդի քաղաքի սահմանային հսկողության կետ, որից հետո դեռահասին և նրա ծնողներին ուղարկել են Հայաստան։
Թարգմանությունը՝ Էմմա Չոբանյանի
