22.06.2026 | 15:10
Գյումրի-Մոսկվա չվերթի օդանավի արտակարգ վայրէջքը Դաղստանում // ՀՀ-ն Ադրբեջանի տարածքով ինտերնետ կստանա․ ԼՈՒՐԵՐ
Թուրքիայում լեռնադահուկային հանգստավայրում հրդեհի գործով 11 մարդ է ձերբակալվել
Քաղաքականություն
23.01.2025 | 12:12
Թուրքիայում 11 մարդ է ձերբակալվել հյուսիսային Բոլու նահանգի լեռնադահուկային հանգստավայրի հյուրանոցում բռնկված հրդեհի հետաքննության շրջանակում։ Զոհերի թիվը հասել է 79-ի, գրում է Duvar-ը։
Թուրքիայի արդարադատության նախարար Յըլմազ Թունջը հայտնել է, որ ձերբակալվածների թվում են նաև Բոլուի փոխքաղաքապետը, քաղաքապետարանի հրշեջ ծառայության ղեկավարը, հյուրանոցի սեփականատերը և մենեջերը։
Նախօրեին հրդեհի հետևանքով զոհվածներից մի քանիսին հուղարկավորել են։ Ըստ լրատվամիջոցների՝ զոհերից 20-ը երեխաներ են։ Հրդեհը խուճապի մատնված հյուրանոցի հյուրերին ստիպել է կեսգիշերին ցած նետվել իրենց պատուհաններից։
Իշխանությունները հայտնում են, որ 45 զոհերի մարմինները հանձնվել են նրանց ընտանիքներին, իսկ մյուսների ինքնությունը պարզելու համար ԴՆԹ փորձաքննություններ են անցկացվում։
Թարգմանությունը՝ Էմմա Չոբանյանի
