07.10.2026 | 14:37
«Էրեբունի-Երևան 2808»-ի միջոցառումներով պայմանավորված մի շարք փողոցներ կփակվեն
«Այդ հույսով էլ մնացեք». Եղիշե Մելիքյանը՝ հնարավոր հրաժարականի մասին
07.10.2026 | 14:08
Ֆուտբոլի Հայաստանի ազգային հավաքականի գլխավոր մարզիչ Եղիշե Մելիքյանը Հանրային հեռուստաընկերության «Լրացուցիչ ժամանակ» հաղորդման եթերում պատասխանել է հարցին՝ արդյոք երբևէ մտածել է հրաժարականի մասին։
«Այդ հույսով էլ մնացեք, ես նոր եմ սկսել։ Եթե կան մարդիկ, որ հույս ունեն, թող հույսները կտրեն։ Ես ո՛չ լեգեոներ մարզիչ եմ, ո՛չ էլ այստեղ եմ եկել փող աշխատելու։ Հավաքականի մարզաշապիկն ու համազգեստը հագել եմ 15 տարեկանից. դա պատասխանատվություն է և իմ կյանքն է։ Ես այստեղ գործ ունեմ անելու, իսկ իմ գործը նոր է սկսվում: Ես ճիշտ ուղու վրա եմ իմ թիմի հետ: Շատ լուրջ սերնդափոխություն ենք արել, իմ ճանապարհը նոր է սկսվում: Եթե նայեք իմ կարիերային, որ թիմը ես վերցրել եմ, հասցրել եմ մի մակարդակի, հետո ես հանգիստ դուրս եմ եկել: Հիմա մինչև հավաքականին չհասցնեմ նրան, ինչ ես ուզում եմ, ես չեմ հեռանա: Համոզված եմ, որ լինելու է»,- նշել է մազրիչը։
Ազգերի լիգայի C2 խմբի չորրորդ տուրից հետո Հայաստանի հավաքականը 4 միավորով երրորդ տեղում է և կորցրել է խմբում առաջին տեղը գրավելու շանսերը: Խմբի առաջատար Չեռնոգորիան ունի 10 միավոր, Կիպրոսը՝ 7, իսկ Լատվիան` 1:
Եղիշե Մելիքյանի գլխավորությամբ Հայաստանի հավաքականն անցկացրել է 13 հանդիպում, տարել 2 հաղթանակ, կրել 8 պարտություն ու գրանցել 3 ոչ-ոքի:
Դավիթ Եղիազարյան
