23.02.2026 | 17:36
«Ինտերի» ներկայացուցիչները կհանդիպեն Մխիթարյանի գործակալի հետ
Կամավոր վերադարձե՛ք․ Բեժանյանը՝ ՌԴ-ում անօրինական գտնվող միգրանտներին․ ՏԵՍԱՆՅՈՒԹ
Հասարակություն
16.01.2025 | 12:26
ՌԴ-ում անօրինական գտնվող հայ միգրանտներից ոչ բոլորը կարող են օրինականացնել իրենց այնտեղ գտնվելը։ Այս մասին այսօր ասուլիսում հայտնեց «Հայկական Կարիտաս» կազմակերպության միգրացիոն ծրագրի փորձագետ Տաթևիկ Բեժանյանը։
Նրա խոսքով՝ եթե նրանց միգրացիոն հաշվառման ժամկետից անցել է 30 օր կամ ավելի, նրանք արդեն իսկ ունեն մուտքի արգելք, այսինքն՝ չեն կարող օրինականացնել։
«Սահմանը հենց հատեն, որ փորձեն վերադառնալ, 3-10 տարի ժամկետով մուտքի արգելքն ուժի մեջ է մտնելու։ ՌԴ-ում առնվազն միգրացիոն հաշվառման ժամկետի խախտման դեպքում անձինք կարող են օրինականացնել իրենց գտնվելը, եթե ունեն ՌԴ քաղաքացի ընտանիքի անդամ՝ կին, ամուսին, զավակներ կամ ծնողներ։ Այս դեպքում էլ շատ կարևոր է հիմքը, թե ինչի համար են մուտքի արգելք ստացել, կամ արտաքսման որոշում, որովհետև ծանր հանցագործության դեպքում, անգամ ՌԴ քաղաքացի ընտանիքի անդամ ունենալու հանգամանքը չի կարող հիմք հանդիսանալ չեղարկելու այս որոշումը։ Անձը պարտավոր է լինելու լքել ՌԴ տարածքը»,- մասնավորապես նշեց Բեջանյանը։
Բեժանյանը խորհուրդ տվեց ՌԴ-ում անօրին ական գտնվող անձանց, որ եթե այնտեղ չունեն ՌԴ քաղաքացի ընտանիքի անդամ, կամավոր վերադառնալ։
Մանրամասները՝ տեսանյութում։
