01.10.2026 | 23:39
Արթուր Մարտիրոսյանը՝ ԱԺ աշխատակազմի ղեկավարի առաջին տեղակալ
Ինչն է միավորել Աննա Հակոբյանին և նախարարներին. հոկտեմբերի 1-ը՝ ընտանեկան բռնության դեմ պայքարի օր․ ՏԵՍԱՆՅՈւԹ
Հասարակություն
01.10.2026 | 23:14
Հոկտեմբերի 1-ն ընտանեկան բռնության դեմ պայքարի օրն է։ Այսօր Երևանում՝ Կարապի լճի մոտ, տեղի ունեցավ մոմավառություն՝ ի հիշատակ ընտանեկան բռնության զոհ դարձած կանանց։ Մասնակիցները հանրության ուշադրությունը հրավիրեցին ընտանեկան բռնության խնդրի, դրա հետևանքների և կանխարգելման անհրաժեշտության վրա։
Ըստ ՀՀ ՆԳՆ ոստիկանության տվյալների՝ 2022–2024 թվականներին Հայաստանում արձանագրվել է կնասպանության 39 դեպք՝ 2022 թվականին՝ 19, 2023-ին՝ 9, իսկ 2024-ին՝ 11 դեպք։
«Մեր գործող օրենդրությունն այնպիսին է, որ անպայման պետք է լինի անձի բողոքը՝ իր հետ տեղի ունեցածի մասով, որպեսզի ընթացքը կարողանանք ապահովել, բայց պետք է փաստեմ, որ վերջերս շրջանառության մեջ դրված օրենսդրական նախաձեռնությամբ այս կանոնակարգը փոփոխելու առաջարկ է զետեղված, որով անկախ այն բանից՝ ով կդիմի-չի դիմի, եթե տվյալը հայտնի է դարձել իրավական համակարգին, դա արդեն բերելու է քրեական վարույթի նախաձեռնման»,-Factor TV-ի հետ զրույցում նշում է ՀՀ ՆԳ նախարար Արփինե Սարգսյանը։
Մոմավառությանը մասնակցում էր նաև ՀՀ վարչապետի տիկին Աննա Հակոբյանը։ Հարցին, թե ում հիշատակին մոմ վառեց, տիկին Հակոբյանը պատասխանեց․ «Ոչ առանձին վերցված մեկի, այլ՝ բոլորի, և այն հստակ գիտակցմամբ, որ պետք է չկրկնվեն այդ դեպքերը»։
Մանրամասները՝ տեսանյութում։
Աննա Բաբաջանյան
