10.08.2026 | 18:43
Մինչև 2 մլն դրամ աջակցություն․ ինչ նպաստներ կարող են ստանալ երեխա ունեցող ընտանիքները
ԱՄՆ-ն արձագանքել է ադրբեջանցի ընդդիմադիր ակտիվիստին 10 տարով ազատազրկելու՝ Բաքվի որոշմանը
Քաղաքականություն
14.01.2025 | 16:04
ԱՄՆ-ն արձագանքել է ադրբեջանցի ընդդիմադիր ակտիվիստ Բահթիյար Հաջիևին 10 տարվա ազատազրկման դատապարտելու դատավճռին։
«Միացյալ Նահանգները խորապես հիասթափված է Բահթիյար Հաջիևի դատավճռից։ Մենք շարունակում ենք կոչ անել Ադրբեջանին՝ հավատարիմ մնալ իր միջազգային պարտավորություններին և պարտականություններին ու ազատ արձակել անարդարացիորեն ձերբակալվածներին»,- ասվում է Բաքվում ԱՄՆ դեսպանատան X-ում գրառման մեջ։
Հիշեցնենք, որ նախօրեին Բաքվի ծանր հանցագործությունների դատարանն ադրբեջանցի հայտնի ակտիվիստ Բահթիյար Հաջիևին դատապարտել է 10 տարվա ազատազրկման։ Դատարանը նաև որոշում է կայացրել բռնագրավել նրա բնակարանը և բանկային հաշիվներում առկա ֆինանսական միջոցները, իսկ ազատ արձակվելուց հետո՝ մեկ տարով արգելել զբաղվել ուսումնադաստիարակչական գործունեությամբ։
Թարգմանությունը՝ Էմմա Չոբանյանի
