19.04.2026 | 18:15
Փոփոխություններ՝ ՀՀ պետական և ոչ պետական բուհեր ըստ բակալավրի ու անընդհատ և ինտեգրացված կրթական ծրագրերի ընդունելության կարգում
ՔՊ-ի քննարկման ժամանակ միջադեպ չի եղել. Հակոբ Սիմիդյան․ ՏԵՍԱՆՅՈՒԹ
Քաղաքականություն
10.01.2025 | 14:47
«ՔՊ-ական պատգամավոր Հայկ Սարգսյանի ու Տավուշի մարզպետ Հայկ Ղալումյանի միջև երեկ որևէ միջադեպ, քաշքշուկ չի եղել»,- այս մասին տարեկան ամփոփիչ ասուլիսին ասաց Շրջակա միջավայրի նախարար Հակոբ Սիմիդյանը՝ անդրադառնալով մամուլում շրջանառվող տեղեկություններին, ըստ որոնց, Հայկ Սարգսյանի և Ղալումյանի միջև ծառահատումների թեմայով քաշքշուկ է եղել։ ՔՊ վարչության անդամ Սիմիդյանը, այդուհանդերձ, հաստատեց, որ ՔՊ նիստին քննարկվել է նաև անտառահատումների խնդիրը։
«Միջադեպ չի եղել, տասնյակ մարդիկ են ներկա եղել քննարկման ժամանակ, հանդիպումից հետո, գուցե, երկու գործընկեր խոսել են, բայց որևէ քաշքշուկի ես ականատես չեմ եղել, մասնավորապես, Հայկ Ղալումյանի և Հայկ Սարգսյանի միջև։ Քաշքշուկին մոտիկ բան էլ չի եղել, գուցե, խոսակցություն է եղել, մարդիկ այլ տպավորություն են ստացել։ Կուսակցությունում քննարկվել է անտառահատումների խնդիրը, որևէ արտառոց բան չկա»,- մանրամասնեց նախարարը։
