09.01.2025 | 20:41
ԵՄ Խորհրդի նոր նախագահը հեռախոսազրույց է ունեցել Ալիևի հետ
Հարավային Կովկասի հարցերով ԵՄ նոր հատուկ ներկայացուցիչը Բաքվում հանդիպել է Ալիևին
Քաղաքականություն
08.01.2025 | 15:35
Ադրբեջանի նախագահ Իլհամ Ալիևն ընդունել է Բաքվում գտնվող Հարավային Կովկասում Եվրամիության հատուկ ն ներկայացուցիչ Մագդալենա Գրոնոյին։ Ադրբեջանական կողմի փոխանցմամբ՝ Գրոնոն ցավակցություն է հայտնել ադրբեջանական օդանավի կործանման կապակցությամբ և հույս հայտնել, որ ավիավթարի բոլոր պատճառները մանրակրկիտ կհետաքննվեն։
Նշելով, որ Ադրբեջանը Եվրամիության կարևոր գործընկերն է, նա ընդգծել է, որ Եվրամիությունը շահագրգռված է Հարավային Կովկասի տարածաշրջանում կայուն կայունության ապահովմամբ։
Մագդալենա Գրոնոն անդրադարձել է Ադրբեջանի կարևորությանը տարածաշրջանի համատեքստում և նրա սահմաններից դուրս՝ ընդգծելով Եվրամիության և Ադրբեջանի միջև երկխոսության կարևորությունը։ Ըստ նրա՝ Ադրբեջանը կարևոր ներդրում է ունեցել Եվրոպայի էներգետիկ անվտանգության ապահովման գործում և կարևորել համագործակցությունը հատկապես էներգետիկ ոլորտում։
Ալիևն իր հերթին նշել է, որ Ադրբեջանի ու Եվրամիության միջև համագործակցությունը հարուստ պատմություն ունի։ Այդ կապակցությամբ քննարկվել են Ադրբեջանի և Եվրամիության միջև էներգետիկայի, տրանսպորտի, ներդրումների, առևտրի և այլ ոլորտներին առնչվող հարցեր։ Նա հայտարարել է, թե Ադրբեջանը կշարունակի ջանքերը Հարավային Կովկասի տարածաշրջանում տևական խաղաղություն և կայունություն ապահովելու համար և ասել, որ Ադրբեջանի ու Հայաստանի միջև բանակցային գործընթացն ընթանում է երկկողմ ձևաչափով։
Թարգմանությունը՝ Էմմա Չոբանյանի
