07.12.2025 | 20:49
Կարծում եմ ճիշտ կլինի, որ կիրակնօրյա պատարագներից առաջ եկեղեցիներում երգչախմբերը կատարեն օրհներգը․ Փաշինյան
Եվրոպայում գազի գինը հասել է առավելագույնին՝ 2023 թ․ հոկտեմբերից ի վեր
Տնտեսություն
03.01.2025 | 11:17
Հինգշաբթի՝ հունվարի 2-ին, 2025 թվականի առևտրի առաջին օրը, եվրոպական աճուրդներում գազի գինը հասել է 50,3 եվրոյի մեկ մեգավատ/ժամի դիմաց (մոտ 526 եվրո հազար խորանարդ մետրի դիմաց), հաղորդում է DW-ի ռուսական ծառայությունը՝ Bloomberg-ին հղումով։ Սա կապույտ վառելիքի ամենաբարձր գինն է 2023 թվականի հոկտեմբերից ի վեր։
Գործակալությունը գազի գնի թանկացումը բացատրում է երեք գործոնով. առաջինն այն է, որ ռուսական «Գազպրոմը» դադարեցնում է Ուկրաինայի տարածքով Եվրոպա գազի տարանցումը։ Երկրորդ պատճառն այն է, որ Նորվեգիայի Համերֆեստ քաղաքում հեղուկ բնական գազի (LNG) գործարանը դադարեցրել է աշխատանքը մինչև հունվարի 9-ը՝ կոմպրեսորի անսարքության պատճառով։ Վերջապես, երրորդ գործոնը Եվրոպայի հյուսիսում ցուրտ եղանակն է, որը մեծացրել է գազի սպառումը տարածաշրջանում:
Եվրահանձնաժողովը հայտարարել է, որ Կենտրոնական և Արևելյան Եվրոպա գազի մատակարարման անվտանգությանը վտանգ չի սպառնում:
«Գազի մատակարարումը երաշխավորվում է այլընտրանքային ուղիներով (Գերմանիա, Իտալիա) և պահեստարաններից դուրս բերելու միջոցով»,- ասվում է ԵՄ գործադիր իշխանության կայքում։
Թարգմանությունը՝ Անահիտ Խաչատրյանի
