24.06.2026 | 23:56
Հրդեհ Վարդաշեն 6-րդ փողոցի շենքերից մեկում. մեկ անձ դիմել է բուժօգնության, տարհանվել է 12 քաղաքացի
Կիևը հաստատել է, որ դադարեցրել է Եվրոպա ռուսական գազի տարանցումը
Քաղաքականություն
01.01.2025 | 16:25
Ուկրաինայի Էներգետիկայի նախարարությունը պաշտոնապես հայտարարել է, որ ռուսական գազի տարանցումը ԵՄ, ինչպես նախատեսված էր, դադարեցվել է հունվարի 1-ի վաղ առավոտյան, գրում է BBC-ի ռուսական ծառայությունը։
«Ժամը 07:00-ին, ազգային անվտանգության շահերից ելնելով, դադարեցվել է ռուսական բնական գազի փոխադրումը Ուկրաինայի տարածքով։ Ուկրաինան այդ մասին սահմանված կարգով տեղեկացրել է իր օտարերկրյա գործընկերներին»,- ասվում է նախարարության հաղորդագրության մեջ։
Նախարար Գերման Գալուշչենկոն էլ ասել է, որ ռուսական գազի տարանցումը դադարեցնելը պատմական իրադարձություն է․ Ռուսաստանը կորցնում է շուկաները և ֆինանսական կորուստներ կունենա։
«Եվրոպան արդեն որոշել է հրաժարվել ռուսական գազից։ Իսկ «Repower EU» եվրոպական նախաձեռնությունը նախատեսում է հենց այն, ինչ այսօր արել է Ուկրաինան»,- նշել է նա։
Ռուսական գազի տարանցումն Ուկրաինայի տարածքով իրականացվել է պայմանագրերով, որոնք կնքվել են մինչ Ռուսաստանի կողմից լայնամասշտաբ հարձակումը՝ 2019 թվականի վերջին։ Նոր տարվա գիշերը պայմանագրերի ժամկետն ավարտվել է, և Ուկրաինան հրաժարվել է երկարաձգել։
Թարգմանությունը՝ Էմմա Չոբանյանի
