09.08.2026 | 22:30
Արթուր Ղարիբյանը հաղթական դուբլ է գրանցել «Զենիթի» դեմ խաղում. ՏԵՍԱՆՅՈՒԹ
Է՛հ, թող պահանջի․ Վալերի Օսիպյանն՝ իր հրաժարականը պահանջող Նաիրա Զոհրաբյանին
Քաղաքականություն
23.09.2018 | 11:31
ՀՀ ոստիկանապետ Վալերի Օսիպյանը ԲՀԿ քաղաքապետի թեկնածու Նաիրա Զոհրաբյանի կողմից հնչեցված հայտարարությունը երևակայություն է համարում։ Այս մասին այսօր լրագրողների հետ զրույցում ասաց ոստիկանապետը՝ անդրադառնալով քաղաքապետի թեկնածու Նաիրա Զոհրաբյանի երեկվա հայտարարությանը, ըստ որի, ընտրակաշառքի վերաբերյալ ահազանգերը սուտ մատնություն են, և ոստիկանությունը չի տիրապետում իրավիճակին։
«Ոստիկանությունը տիրապետում է ողջ Հայաստանում օպերատիվ իրավիճակին, և ցանկացած ահազանգ, գրառում պարտադիր ուսումնասիրության առարկա պետք է դառնա»,- լրագորղների հետ զրույցում ասաց նա։
Վալերի Օսիպյանը նշեց, որ ընտրակաշառք բաժանելու փաստով արդեն հարուցվել են քրեական գործեր:
Անդրադառնալով ԲՀԿ քաղաքապետի թեկնածուի՝ իր հրաժարականի պահանջին՝ ոստիկանապատն՝ արձագանքեց․ «Էհ, թող պահանջի»։
Խոսելով՝ «Բարգավաճ Հայաստան» կուսակցության՝ Աջափնյակում գտնվող շտաբերից մեկում իրականացրած գործողությունների մասին՝ Վալերի Օսիպյանը շեշտեց, որ ոստիկանության բոլոր գործողությունները բխել են օրենքից և այս պահին ընթացքի մեջ են գտնվում ԲՀԿ-ի ընտրական շտաբերում ընտրակաշառքի բաժանման մասին լուրերի ուսումնասիրությունները։
