30.04.2026 | 19:33
Քվե՝ վարկի դիմա՞ց․ ինչպես է Սամվել Կարապետյանը մեկնաբանում իր ուժին վերագրվող ընտրակաշառքի դեպքերը. ՏԵՍԱՆՅՈՒԹ
Փաշինյանը միակը չէ․ քովիդով այս ամիս վարակվել է 29 մարդ
25.12.2024 | 13:40
Դեկտեմբերի 1-ից 25-ը ՀՀ-ում կորոնավիրուսով վարակվել է 29 քաղաքացի։ Այս մասին Factor.am-ի հարցմանն ի պատասխան ասաց առողջապահության նախարարության մամուլի խոսնակը։
29-ից մեկն էլ Հայաստանի վարչապետ Նիկոլ Փաշինյանն է․ նա այսօր առավոտյան էր ֆեյսբուքյան էջում տեղեկացրել, որ դեկտեմբերի 23-ին, քովիդի դրական ախտորոշում է ունեցել, դեկտեմբերի 23-ին և 24-ին մեկուսացել ու աշխատել է կեցավայրից, իսկ այսօր ախտորոշումն արդեն բացասական է և վերադառնում է աշխատանքային սովորական ռեժիմի։
Այդ հիմնավորմամբ Նիկոլ Փաշինյանը այսօր չի մասնակցում Սանկտ Պետերբուրգում ԱՊՀ երկների ղեկավարների ոչ պաշտոնական գագաթնաժողովին: Նա նշել է, որ մինչև օրվա վերջ որոշում կկայացնի վաղը ԵԱՏՄ բարձրագույն տնտեսական խորհրդի նիստին մասնակցել-չմասնակցելու վերաբերյալ:
Հարցին՝ Փաշինյանը քովիդի թեստ է հանձնել ռուսական կողմի պահանջո՞վ, թե՞ ախտանշաններ է ունեցել, վարչապետի մամուլի խոսնակ Նազելի Բաղդասարյանը պատասխանեց, որ վարչապետը քովիդի թեստ հանձնում է օտարերկրյա ուղևորությունից առաջ:
«Սա տեղի է ունենում բոլոր դեպքերում, երբ հյուրընկալող երկրում համապատասխան արարողակարգ և/կամ ընթացակարգ է սահմանված»,- նշել է մամուլի խոսնակը։
Նարեկ Կիրակոսյան
