30.04.2026 | 23:18
ՀՀ 4 քաղաքում մթնոլորտային օդում փոշու պարունակությունը գերազանցել է սահմանային թույլատրելի կոնցենտրացիան
Բրիտանիան դիտարկում է Ուկրաինա ռազմական հրահանգիչներ ուղարկելու հնարավորությունը
Քաղաքականություն
19.12.2024 | 22:59
Նախօրեին Մեծ Բրիտանիայի պաշտպանության նախարար Ջոն Հելին ժամանել է Կիև՝ հանդիպելու Ուկրաինայի պաշտպանության նախարար Ռուստեմ Ումերովի հետ։ Նրանց հանդիպման մանրամասները չեն հաղորդվում, սակայն հայտնի է, որ կողմերը քննարկել են նոր տարում Ուկրաինային ավելի մեծ աջակցություն ցուցաբերելու հնարավորությունները։
Պաշտպանության նախարարությունում BBC-ի աղբյուրները հաստատում են, որ Բրիտանիան դիտարկում է նման տարբերակներից մեկը՝ սեփական ռազմական հրահանգիչներ ուղարկելը։ Աղբյուրները նշում են, որ Հելին չի բացառում այդ հնարավորությունը:
«Մեր համատեղ ուկրաինական ծրագրի մանրամասները պետք է մնան, կարելի է ասել, անհասանելի նախագահ Պուտինի համար»,- ասել է ինքը՝ Հելին։
Հինգշաբթի օրը Մեծ Բրիտանիան նաև հայտարարել է, որ համաձայնեցվել է Ուկրաինային 225 միլիոն ֆունտ ստեռլինգ արժողությամբ օգնության նոր փաթեթ։ Այս միջոցներն առաջին հերթին նախատեսված են անօդաչու թռչող սարքերի, հրետանային արկերի և հակաօդային պաշտպանության համակարգերի քանակի ավելացման համար։
Բրիտանացիները ուկրաինացի զինվորներին մարզում են 2022 թվականից, բայց իրենց տարածքում։ Բրիտանացի ռազմական բժիշկների մի փոքր խումբ վերապատրաստում է անցկացնում Ուկրաինայի տարածքում։
Թարգմանությունը՝ Տաթև Ֆռանգյանի
