30.04.2026 | 16:26
ԵԽ-ն ընդունել է Հայաստանի ժողովրդավարական դիմակայունության աջակցության վերաբերյալ բանաձևը
Մոսկվայում ռուս գեներալ Կիրիլլովի սպանության մեջ կասկածվող Ուզբեկստանի քաղաքացին կալանավորվել է. ՌԴ Քննչական կոմիտե
Քաղաքականություն
18.12.2024 | 12:45
ՌԴ Քննչական կոմիտեն հայտնել է գեներալ Իգոր Կիրիլովի և նրա օգնականի սպանության մեջ կասկածվողի ձերբակալության մասին։
Ձերբակալվածը Ուզբեկստանի քաղաքացի է՝ ծնված 1995 թվականին, հայտնում է ՌԴ Քննչական կոմիտեն, փոխանցում է BBC-ի ռուսական ծառայությունը։
Կասկածյալը հարցաքննության ժամանակ ասել է, որ իրեն «հավաքագրել են ուկրաինական հատուկ ծառայությունները»։ Նրանց հանձնարարությամբ, պնդում են ՌԴ Քննչական կոմիտեից, նա եկել է Մոսկվա և ստացել ինքնաշեն պայթուցիկ սարք։ Տղամարդը տեսանկարահանման տեսախցիկ է տեղադրել մեքենայում, որպեսզի Դնեպր քաղաքում գտնվողների համար օնլայն նկարահանի այն, ինչ կատարվում է:
Պայթուցիկ սարքը տեղադրված է եղել մուտքի մոտ կայանված ինքնագլորի վրա։ Զինվորակաների դուրս գալու մասին տեսաազդանշան ստանալուց հետո պայթուցիկ սարքը գործի է դրվել հեռահար։
Գեներալի սպանության համար ձերբակալվածին խոստացել են «100 հազար ԱՄՆ դոլար և եվրոպական երկրներից մեկում բնակություն հաստատել», ասվում է Քննչական կոմիտեի հաղորդագրությունում։ ՌԴ Քննչական կոմիտեն պարզաբանում է, որ սպանությանը այլ անձանց մասնակցությունը պարզվում է։
Թարգմանությունը՝ Տաթև Ֆռանգյանի
