07.12.2025 | 21:40
Վարդենյաց լեռնանցքում ձյուն է տեղում. Դիլիջանի, Սպիտակի ոլորաններում մառախուղ է
Աղազարյանի վերաբերյալ քրգործ է հարուցվել՝ պետական գաղտնիք հրապարակելու հոդվածով
Հասարակություն
16.12.2024 | 16:43
ԱԺ պատգամավոր Հովիկ Աղազարյանի վերաբերյալ Հակակոռուպցիոն կոմիտեում նախաձեռնվել է քրեական վարույթ։ Այս մասին Factor.am-ի գրավոր հարցմանն ի պատասխան հայտնում են կոմիտեից։
Ըստ գերատեսչության, վարույթը նախաձեռնվել է Քրեական օրենսգրքի 427-րդ հոդվածի 1-ին մասով՝ այսինքն պետական գաղտնիք պարունակող տեղեկություն հրապարակելը։ Հիշեցնենք՝ ՀՀ դատախազությունից դեկտեմբերի 9-ին հայտնել էին, որ Հովիկ Աղազարյանի կողմից պետական գաղտնիք պարունակող արտահոսքեր կազմակերպելու հրապարակումը դատախազությունն ուղարկել է ՀՀ հակակոռուպցիոն կոմիտե՝ քրեական վարույթ հարուցելու հարցը որոշելու համար։
Դեկտեմբերի 3-ին իշխող ՔՊ-ն Աղազարյանին կուսակցությունից հեռացրեց հենց այն հիմնավորմամբ, թե իբր նա պետական և կուսակցական նշանակության կոնֆիդենցիալ տեղեկատվություն է հանրայնացրել, ինչպես նաև թույլ է տվել հանրության բարոյական նորմերի կոպիտ խախտումներ։
Նարեկ Կիրակոսյան
