30.04.2026 | 22:58
«Նուբարաշեն-Արին-Բերդ» ջրատարի վթարման հետևանքով Երևանի և Արարատի մարզի մի շարք հասցեներում 21 ժամ ջուր չի լինի
Թուրքիայի ԱԳՆ-ն դատապարտել է Իսրայելի կողմից Գոլանի բարձունքներում «անօրինական բնակավայրերի» ընդլայնումը
Քաղաքականություն
16.12.2024 | 19:43
Թուրքիան դատապարտել է Իսրայելի որոշումը՝ ընդլայնելու իր «անօրինական բնակավայրերը» Գոլանի բարձունքներում, տարածք, որը գտնվում է Իսրայելի վերահսկողության տակ 1967 թվականից ի վեր:
«Մենք խստորեն դատապարտում ենք Գոլանի բարձունքներում անօրինական բնակավայրերի ընդլայնման Իսրայելի որոշումը, որը նա օկուպացրել է 1967 թվականից ի վեր։ Այս որոշումն օկուպացիայի միջոցով սահմաններն ընդլայնելու՝ Իսրայելի նպատակի նոր փուլն է»,- ասվում է Թուրքիայի ԱԳՆ հայտարարության մեջ։
Նշվում է, որ Իսրայելի այդ քայլը խիստ մտահոգիչ է՝ հաշվի առնելով նրա ներխուժումը դեպի անջատման գոտի՝ խախտելով 1974 թվականի համաձայնագիրը, նրա առաջխաղացումը շրջակա տարածքներ և օդային հարվածները Սիրիայում:
«Իսրայելի շարունակական գործողությունները լրջորեն խաթարում են Սիրիայում խաղաղություն և կայունություն հաստատելու ջանքերը և է՛լ ավելի են մեծացնում լարվածությունը տարածաշրջանում։ Հրամայական է, որ միջազգային հանրությունը համապատասխան միջոցներ ձեռնարկի Իսրայելի գործողություններին ի պատասխան և ապահովի Նեթանյահուի կառավարության անօրինական քայլերի դադարեցումը»,- հայտարարել է Անկարան։
Թարգմանությունը ՝Էմմա Չոբանյանի
