10.08.2026 | 22:44
Հայաստանի մի շարք հասցեներում էլեկտրաէներգիայի անջատումներ կլինեն
Բիթքոինի փոխարժեքը գերազանցել է 105 հազար դոլարը
Քաղաքականություն
16.12.2024 | 12:39
Բիթքոինի (BTC) փոխարժեքը պատմության մեջ առաջին անգամ գերազանցել է 105 հազար դոլարի շեմը։ Կրիպտոարժույթն այս նշագծին հասել է դեկտեմբերի լույս 16-ի գիշերը, հաղորդում է Reuters-ը:
Ըստ աղբյուրի՝ կրիպտոարժույթի փոխարժեքը որոշակի կետում հավասար էր 105,142 դոլարի՝ մեկ բիթքոինի դիմաց։ Binance առևտրային հարթակի տվյալները ցույց են տալիս, որ կարճաժամկետ թռիչքի գագաթնակետին բիթքոինի փոխարժեքը կազմել է 106,449 դոլար, սակայն կարճ ժամանակ անց նվազել է․ Մոսկվայի ժամանակով 03:15-ի դրությամբ՝ փոխարժեքը կազմել է 105,031 դոլար՝ մեկ բիթքոինի դիմաց:
Թռիչքը համընկել է Ավստրալիայի և Ճապոնիայի ֆոնդային շուկաների բացման հետ, որտեղ կրիպտոարժույթները բավականին բարենպաստ վերաբերմունքի են արժանանում: Սակայն վերջին ժամանակներում բիթքոինի նկատմամբ հետաքրքրությունը հիմնականում պայմանավորված է կրիպտո ներդրողների հույսերով՝ կապված Միացյալ Նահանգների ընտրված նախագահ Դոնալդ Թրամփի ապագա որոշումների հետ, որն ավելի վաղ դրականորեն է արտահայտվել կրիպտոարժույթի մասին, նշում է Reuters-ը։
Թարգմանությունը՝ Տաթև Ֆռանգյանի
