23.06.2026 | 06:00
ԱԱ-2026. Նորվեգիան դուրս եկավ փլեյ-օֆֆ, Հոլանդը դարձյալ դուբլն գրանցեց. ՏԵՍԱՆՅՈՒԹ
Ադրբեջանում քննարկում են զինծառայության ժամկետը 1 տարի դարձնելու հարցը
Քաղաքականություն
13.12.2024 | 21:43
Ադրբեջանում ներկայում քննարկումներ են ընթանում զինծառայության ժամկետը 1 տարի 6 ամսից 1 տարվա կրճատելու ուղղությամբ։ Ադրբեջանական լրատվամիջոցների հաղորդմամբ՝ այս մասին այսօր Միլլի Մեջլիսի պաշտպանության, անվտանգության և կոռուպցիայի դեմ պայքարի հանձնաժողովի նիստում հայտարարել է Զինվորական ծառայության մոբիլիզացիայի և զորակոչի գլխավոր վարչության ղեկավար Ազեր Բաբաևը։
«Նախատեսվում է, որ ծանուցումը կլինի միայն էլեկտրոնային տարբերակով, բոլոր որոշումների մասին ծանուցումները կուղարկվեն։ Սա նույնպես կարևոր է թափանցիկության համար։ Բայց մենք մտածում ենք զինծառայության ժամկետը կրճատելու այլ տարբերակի մասին։ Բարձրագույն և միջնակարգ կրթություն ունեցող անձանց տարբերելը ճիշտ չէ։ Սահմանադրությունն ասում է, որ բոլորը պարտավոր են զինվորական ծառայություն անցնել։ Բայց մենք դեռ պատրաստ չենք սրան։ Երբ այս նախագիծն ընդունվի, մենք կկարողանանք քննարկել առաջարկներն այս ուղղությամբ»,- հայտարարել է պաշտոնյան։
Թարգմանությունը՝ Էմմա Չոբանյանի
