08.10.2026 | 21:07
Միրզոյանն ու Արաղչին հեռախոսազրույց են ունեցել
Դատախազը Սրբուհի Գալյանի փոխարեն տեղակալ է փնտրում․ հայտարարել է մրցույթ
13.12.2024 | 15:55
Դատախազությունը հայտարարել է բաց մրցույթ՝ Գլխավոր դատախազի՝ ապօրինի ծագում ունեցող գույքի բռնագանձմանն ուղղված գործառույթների ոլորտը համակարգող տեղակալի թեկնածությունների ցուցակի համալրման նպատակով։ Այս մասին տեղեկանում ենք azdarar.am կայքից։
ՀՀ գլխավոր դատախազի՝ ապօրինի ծագում ունեցող գույքի բռնագանձմանն ուղղված գործառույթների ոլորտը համակարգող
տեղակալ կարող է նշանակվել «Դատախազության մասին» օրենքի 33-րդ, 34-րդ և 36-րդ հոդվածներով նախատեսված
պահանջները բավարարող անձը։ Խոսքը դատախազ և գլխավոր դատախազի տեղակալ նշանակվելու համար օրենքով սահմանված պահանջներին բավարարելու մասին է։
ՀՀ գլխավոր դատախազի՝ ապօրինի ծագում ունեցող գույքի բռնագանձմանն ուղղված գործառույթների ոլորտը համակարգող
տեղակալի թեկնածությունների ցուցակի համալրման նպատակով անցկացվող բաց մրցույթին մասնակցել ցանկացող ՀՀ
քաղաքացիները պետք է անձամբ ՀՀ գլխավոր դատախազության վարչական շենք ներկայացնեն պահանջվող փաստաթղթերը, որոնց թվում՝ նաև «Կոռուպցիայի կանխարգելման հանձնաժողովի մասին» օրենքով նախատեսված բարեվարքության վերաբերյալ լրացված հարցաթերթիկ։ Մրցույթին մասնակցելու համար դիմումներն ընդունվում են մինչև 2024թ. դեկտեմբերի 25-ը` ժամը 15։00-ը ներառյալ: Մրցույթն անցկացվելու է դիմումների ընդունման վերջնաժամկետից հետո մեկամսյա ժամկետում:
Հիշեցնենք, որ 2024-ից մինչև 2024 թվականի նոյեմբեր Գլխավոր դատախազի՝ ապօրինի ծագում ունեցող գույքի բռնագանձմանն ուղղված գործառույթների ոլորտը համակարգող տեղակալը եղել է Սրբուհի Գալյանը, որը նոյեմբերի 5-ին նշանակվել է Արդարադատության նախարար։
Արաքս Մամուլյան
